გურამ მგელაძე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
გურამ მგელაძე
Guram Mgeladze (1932–2015) — Georgian and Soviet Politician, Hero of Socialist Labour.jpg
მშობლიური სახელი გურამ დავითის ძე მგელაძე
დაბადების თარიღი 4 აპრილი, 1932
თბილისი, საქართველოს სსრ, სსრ კავშირი
გარდაცვალების თარიღი 5 ივნისი, 2015 (83 წლის)
ეროვნება ქართველი
ალმა-მატერი სკკპ ცენტრალურ კომიტეტთან არსებული უმაღლესი პარტიული სკოლა
საქმიანობა საქართველოს კომპარტიის აბაშის რაიკომის პირველი მდივანი, საქართველოს სსრ მინისტრთა საბჭოს თავმჯდომარის პირველი მოადგილე
მეუღლე(ები) ნანა იოსელიანი
ჯილდოები
სოციალისტური შრომის გმირი
ლენინის ორდენი შრომის წითელი დროშის ორდენი საპატიო ნიშნის ორდენი

გურამ დავითის ძე მგელაძე (დ. 4 აპრილი, 1932, თბილისი — გ. 5 ივნისი, 2015) — ქართველი და საბჭოთა პარტიული და პოლიტიკური მოღვაწე, მეწარმე, სოციალისტური შრომის გმირი.[1]

ბიოგრაფია[რედაქტირება | წყაროს რედაქტირება]

1973–1982 წლამდე საქართველოს საბჭოთა სოციალისტური რესპუბლიკის კომუნისტური პარტიის აბაშის რაიონული კომიტეტის პირველი მდივანი იყო. ამ თანამდებობაზე განახორციელა ე. წ. „აბაშის ექსპირემენტი“, რომელიც ითვალისწინებდა საბაზრო ეკონომიკის ელემენტების დანერგვას საბჭოთა მეურნეობაში.[2]

1982–1991 — წლამდე საქართველოს საბჭოთა სოციალისტური რესპუბლიკის მინისტრთა საბჭოს თავმჯდომარის პირველი მოადგილე, საქართველოს სსრ სახელმწიფო მინისტრი, საქართველოს სსრ აგრო-სამრეწველო გაერთიანების თავმჯდომარე, საქართველოს საბჭოთა სოციალისტური რესპუბლიკის კომუნისტური პარტიის ცენტრალური კომიტეტის ბიუროს წევრი, საქართველოს სსრ კომპარტიის ცენტრალური კომიტეტის წევრი.

1989–1991 — წლამდე საბჭოთა კავშირის უზენაესი საბჭოს სახალხო დეპუტატი, საქართველოს სსრ უზენაესი საბჭოს სახალხო დეპუტატი, საქართველოს სსრ კომპარტიის ცენტრალური კომიტეტის ბიუროს წევრი. იმყოფებოდა საბჭოთა კავშირის კომუნისტური პარტიის ცენტრალური კომიტეტის გენერალური მდივნის, საბჭოთა კავშირის პრეზიდენტის მიხეილ გორბაჩოვის უახლოეს გარემოცვაში.

1989 წელს გასცა ბრძანება მაშველთა კორპუსის „მხედრიონის“ შექმნის თაობაზე და „მხედრიონის“ მეთაურად დანიშნა თავის ძველ მეგობარი, ე.წ. „კანონიერ ქურდი“, საქართველოს რესპუბლიკის სახელმწიფო საბჭოს და პარლამენტის ყოფილი წევრი ჯაბა იოსელიანი.

1992–1995 წლამდე — საქართველოს რესპუბლიკის საელჩოს მრჩეველი რუსეთის ფედერაციაში. 1995 წლამდე ითვლებოდა საქართველოს პრეზიდენტის — ედუარდ შევარდნაძის უახლოეს თანაგუნდელად. 1990 და 2000-იან წლებში აწარმოებდა სამეწარმეო საქმიანობას რუსეთში და ევროპის ქვეყნებში.

1992 წლის შემდეგ ძირითადად ცხოვრობდა მოსკოვში, დაქორწინებული იყო მოჭადრაკე, საერთაშორისო ოსტატ ნანა იოსელიანზე.[3]

ბიბლიოგრაფია[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]