გოგა თავაძე

მასალა ვიკიპედიიდან — თავისუფალი ენციკლოპედია
Jump to navigation Jump to search
გიორგი (გოგა) თავაძე
დაბ. თარიღი 5 მარტი, 1962 (1962-03-05) (57 წლის)
თბილისი
ეროვნება საქართველო
მოქალაქეობა საქართველო
განათლება შოთა რუსთაველის სახელობის თეატრალური ინსტიტუტეს სარეჟისორო ფაკულტეტი. 1985–1990 წლები
პროფესია რეჟისორი, დრამატურგი
მშობლები მამა: მერაბ თავაძე
დედა: ირმა გურიელი
ჯილდოები სანდრო ახმეტელის სახელობის პრემია (2005 წ.) "ოქროს ლომი" ლვოვის საერთაშორისო ფესტივალზე (2008); კოტე მარჯანიშვილის სახელობის პრემია (2010) იუსუპ კობალაძის სახელობის პრემია (2010)

გიორგი მერაბის ძე თავაძე (დ. 5 მარტი, 1962, თბილისი) — ქართველი რეჟისორი, დრამატურგი.

ბიოგრაფია[რედაქტირება | წყაროს რედაქტირება]

გიორგი თავაძე დაიბადა 1962 წლის 5 მარტს, თბილისში.

1990 წელს დაამთავრა საქართველოს თეატრალური ინსტიტუტის დრამის რეჟისურის ფაკულტეტი (რობერტ სტურუას შემოქმედებითი სახელოსნო).

მისი პირველი სტუდენტური სპექტაკლები იყო:

  • ალან მონკ ჰაუზის "ბრილიანტი",
  • ა. სუდარევის "ალდებარანში!.. ალ დე ბაზრანში!..",
  • რ. არდენსონი "ძვირფასო, მე არ მესმის შენი ხმა, როცა აბაზანაში წყალი ჩხრიალებს", 1991 წ.

1990-2000 წლებში მოღვაწეობდა რუსთაველის სახელობის სახელმწიფო აკადემიური თეატრში რეჟისორად.

2001-2006 წლებში იყო თბილისის სამეფო უბნის თეატრის მთავარი რეჟისორი.

2006 წელს რობერტ სტურუას რეკომენდაციით დაინიშნა ბათუმის ილია ჭავჭავაძის სახელობის სახელმწიფო დრამატული თეატრის სამხატვრო ხელმძღვანელად.

2002 წლიდან არის შემოქმედებითი კავშირის, "საქართველოს თეატრალური საზოგადოების" წევრი.

დადგმული სპექტაკლები[რედაქტირება | წყაროს რედაქტირება]

რუსთაველის თეატრში დადგმული აქვს შემდეგი სპექტაკლები:

  • ირაკლი სამსონაძის "იქ, სადაც ღვარად მოედინება".
  • ირაკლი სამსონაძის "აღდგომა გაუქმებულ სასაფლაოზე",
  • თამაზ ჭილაძის ,,ნახვის დღე" (რობერტ სტურუასთან ერთად).
  • "დაბოლილი მთვარე" – (ირაკლი სამსონაძის და გიორგი თავაძის კომიკური იგავი) – 2010 წ.

ქუთაისის ლადო მესხიშვილის სახელობის სახელმწიფო დრამატულ თეატრში:

  • ვლადიმერ სიხარულიძის ,,გარეუბნის მარტო სახლი", 2003 წ.

სამეფო უბნის თეატრში:

რუსთავის მუნიციპალურ დრამატულ თეატრში:

  • ლაშა ბუღაძის ,,თეატრი" (2005 წ).

ბათუმის ილია ჭავჭავაძის სახელობის სახელმწიფო დრამატულ თეატრში:

დაწერილი აქვს პიესა[რედაქტირება | წყაროს რედაქტირება]

  • "ბანანისა და კომშის პუდინგი კონიაკითა და რომით" (კომიკური იგავი ერთ მოქმედებად, ირაკლი სამსონაძესთან თანაავტორობით), 2009 წ.
  • "დაბოლილი მთვარე გაპრიალებულ იატაკზე" (კომიკური იგავი, ირაკლი სამსონაძესთან თანაავტორობით), 2010 წ.

ჯილდოები[რედაქტირება | წყაროს რედაქტირება]

  • 2005 წელს საქართველოს თეატრალური საზოგადოების პრეზიდიუმის გადაწყვეტილებით მიენიჭა სანდრო ახმეტელის სახელობის პრემია სპექტაკლისათვის "ნუგზარი და მეფისტოფელი", რომელიც დადგა სამეფო უბნის თეატრის სცენაზე.
  • 2007 წელს კულტურის საერთაშორისო ბაზრობაზე "კავკასია 2007" გიორგი თავაძე დაჯილდოვდა საპატიო დიპლომით, როგორც კავკასიის რეგიონის საუკეთესო რეჟისორი სპექტაკლისთვის "ნუგზარი და მეფისტოფელი".
  • სპექტაკლისთვის "ნუგზარი და მეფისტოფელი" 2008 წელს დაჯილდოვდა ლვოვის საერთაშორისო ფესტივალზე "ოქროს ლომი" საპატიო დიპლომით.
  • 2007 წელს გ. თავაძის `"ნუგზარი და მეფისტოფელი" გაზეთ "24 საათის" გამოკითხვის შედეგად, ასევე აჭარის თეატრალური საზოგადოების მიერ დასახელდა წლის საუკეთესო სპექტაკლად.
  • არის ტრაპიზონის შავი ზღვის საერთაშორისო თეატრალური ფესტივალის ლაურეატი.
  • 2010 წლის 14 იანვარს, ქართული თეატრის დღეს, საქართველოს თეატრალურმა საზოგადოებამ გიორგი თავაძე დააჯილდოვა კოტე მარჯანიშვილის სახელობის პრემიით ბათუმის თეატრში წარმატებით განხორციელებული სპექტაკლებისთვის.
  • 2010 წლის 27 მარტს აჭარის თეატრალურმა საზოგადოებამ და აჭარის განათლების, კულტურისა და სპორტის სამინისტრომ პირველად (აქამდე ეს პრემია გაიცემოდა მხოლოდ მსახიობებზე) რეჟისორი გიორგი თავაძე დააჯილდოვა იუსუფ კობალაძის სახელობის პრემიით.

რესურსები ინტერნეტში[რედაქტირება | წყაროს რედაქტირება]