გნუ

მასალა ვიკიპედიიდან — თავისუფალი ენციკლოპედია
Jump to navigation Jump to search
გნუ
Blue Wildebeest, Ngorongoro.jpg
ზოლებიანი გნუ (Connochaetes taurinus)
მეცნიერული კლასიფიკაცია
ლათინური სახელი
Connochaetes (Lichtenstein, 1812)

გნუ (ლათ. Connochaetes) — წყვილჩლიქოსანი ძუძუმწოვრების გვარი ძროხისებრთა (ლათ. Bovidae) ოჯახისა. გნუს სხეულის სიგრძე 2 მ აღწევს, სიმაღლე მინდაოში 1,3 მ, წონა 275 კგ. აქვს მოღუნული რქები, მურა-მორუხო მოკლე ბალნით შემოსილი სხეული. ბალანი ქედზე ფაფარივით ადგას, ყელზე კი „წვერს“ ქმნის. გავრცელებულია აღმოსავლეთ და სამხრეთ აფრიკის ტრამალებში. ცხოვრობს ჯოგებად. იკვებება ბალახოვანი მცენარეებით. მაკეობა 8-9 თვე გრძელდება. იგებს ერთ ხბოს. ცნობილია გნუს 2 სახეობა: თეთრკუდა გნუ (ლათ. Connochaetes gnou), გვხვდება სამხრეთ აფრიკაში და ზოლებიანი გნუ (ლათ. Connochaetes taurinus), გვხვდება აღმოსავლეთ აფრიკაში. იყენებენ გნუს ხორცს, ტყავს. ტყვეობას ადვილად იტანს და მრავლდება. აკლიმატიზებულია ასკანია-ნოვაში.

ლიტერატურა[რედაქტირება | წყაროს რედაქტირება]

მოძიებულია „https://ka.wikipedia.org/w/index.php?title=გნუ&oldid=3617221“-დან