გაუზავებლად
| „გაუზავებლად“ | |
|---|---|
 | |
| ავტორი | კახა თოლორდავა |
| ქვეყანა | საქართველო |
| ენა | ქართული |
| ჟანრი | დოკუმენტური პროზა |
| გამომცემელი | ბაკურ სულაკაურის გამომცემლობა |
| გამოცემის თარიღი | 2019 |
| მედია | ბეჭდური |
| გვერდი | 308 |
| ISBN | 9789941304804 |
გაუზავებლად:მუსიკოსები ხელობასა და ხელოვნებაზე — ქართველი კრიტიკოსის, მთარგმნელის, მუსიკოსისა და ჟურნალისტის, კახა თოლორდავას 2019 წლის დოკუმენტური სახის პროზაული ნაწარმოები.
როგორც თავად ავტორი წინასიტყვაობაში იუწყება, ეს წიგნი „მასტერკლასების“ ერთგვარი კრებულია, ხოლო ნაწარმოების ფორმირებაში წვლილი 31 პიროვნებას მიუძღვის - იმ ადამიანებს, რომელთაც თავიანთი განსაკუთრებული ხედვა და დამოკიდებულება არა მხოლოდ მუსიკისადმი, არამედ ზოგადად ხელოვნების, შემოქმედებისა და ცხოვრებისადმი გააჩნდათ. ნაწარმოების იდეა 2003 წლის აპრილში, "მეტეხი პალასში", ტრილოკ გურტუსთან წამოწყებული საუბრით იყო შთაგონებული, თავად ნაწარმოები კი ნიკა რურუას ეძღვნება.
ნაწარმოები შეიცავს ავტორის ცხოვრებაში არსებულ იმ პასაჟების ერთობლიობას, როცა ის სხვადასხვა ცნობილ ჯაზ მუსიკოსს ეცნობოდა, თავად ნაწარმოების სათაური კი შთაგონებულია ცნობილი ამერიკელი პიანისტისა და კომპოზიტორის - თელონიუს მონკის - კომპოზიციის -„Straights, No Chaser“ - სახელით, რომლითაც ბარში ალკოჰოლური სასმელის დასალევად შესული ადამიანები მიმართავენ ბარმენს და რაც ნიშნავს სპირტიან სასმელს.[1]
ნაწარმოები 2020 წელს ლიტერატურული პრემია "საბაზეც" იყო ნომინირებული.[1]