გარიელი

გარიელი (Melanitta), ფრინველების გვარი ბატისნაირთა რიგისა. საშუალო ან დიდი ზომის ფრინველებია; მამალი 1,7 კგ-მდე იწონის, დედალი - ცოტა ნაკლებს. მამალი შავი ფერისაა, დედალი - მოშავო-მურა. გვარი გავრცელებულია ჩრდილოეთ ევროპაში, ჩრდილოეთ აზიაში, სამხრეთ ამერიკაში, ყოფილ სსრკ-ში. შეიცავს 5 სახეობას. ერთი სახეობა შავი გარიელი (Melanitta fusca) - საქართველოში; ბინადრობს ჯავახეთის ტბათა მიდამოებში და იქვე ატარებს ზამთარს. გარიელი ივნისსა და ივლისში მრავლდება. დებს 6-10 კვერცხს. კრუხობს 20 დღემდე. სარეწაო მნიშვნელობა აქვს.

ლიტერატურა

• ქსე, ტ. 3, გვ. 5, თბ., 1978