შინაარსზე გადასვლა

ბუენოს-აირესის მეტროპოლიტენი

მასალა ვიკიპედიიდან — თავისუფალი ენციკლოპედია
ბუენოს-აირესის მეტროპოლიტენი
ინფორმაცია
ქვეყანა დროშა: არგენტინა არგენტინა
ქალაქი ბუენოს-აირესი
გახსნის თარიღი 1 დეკემბერი 1913 წ.
ხაზის სიგრძე 62,8 კმ
სადგურთა რაოდენობა 90
ხაზთა რაოდენობა 6
მგზავრები დღეში 1 230 000 (2015 წ.)
მგზავრები წელიწადში 222,46 მლნ. (2022 წ.)[1]
ხაზების სქემა
მსუბუქი მეტროს ხაზი

ბუენოს-აირესის მეტროპოლიტენი (ესპ. Subterráneo de Buenos Aires) — არგენტინის დედაქალაქ ბუენოს-აირესის მიწისქვეშა ტრანსპორტის სისტემა. პირველი მეტროსადგურის გახსნა 1913 წელს მოხდა, რაც თავის მხრივ პირველი იყო არა მხოლოდ არგენტინაში, არამედ მთელს სამხრეთ ნახევარსფეროში. მეტროს პირველი განვითარება 20-იანი წლებიდან დაიწყო და მეორე მსოფლიო ომამდე გასტანა, ამის შემდეგ მეტროს განვითარება წყდება და მხოლოდ 1990-იან წლებშიღა განახლდება გაფართოებითი სამუშაოები, როდესაც 4 ხაზი ემატება. ბუენოს-აირესის მეტროპოლიტენი ქვეყანაში ერთად-ერთი მეტროსისტემაა, მიუხედავად ამისა, ქალაქ კარდობას მეტროს პროექტი უკვე დამუშავებულია და მომავალში არგენტინას მეორე მეტროპოლიტენი შეემატება.

ძველი A ხაზის მეტროპოლიტენის ჩასასვლელი

პირველი ხაზი 1913 წლის 1 დეკემბერს გაიხსნა - რაც თავის მხრივ პირველია არა მხოლოდ სამხრეთ ამერიკაში, არამედ, მთელს ესპანურად მოლაპარაკე სამხრეთ ნახევარსფეროში. პირველი ოციოდე წლის განმავლობაში მეტროსისტემა დიდი სისწრაფით ვითარდებოდა, მეორე მსოფლიო ომის შემდეგ კი მეტროს განვითარება თითქმის შეწყდა. თავდაპირველად მეტროს ხაზებს სხვადასხვა კომპანია ფლობდა; მეტროს სრული ნაციონალიზება 1930-იანი წლების ბოლოსღა მოხდა ბუენოს-აირესის სატრანსპორტო კორპორაციის მიერ, რომელიც 1952 წელს ბუენოს-აირესის გენერალურ ადმინისტრაციად გადაკეთდა. 1963 წელს ადმინისტრაცია კომპანია Subterráneos de Buenos Aires მფლობელობაში გადავიდა, ხოლო 1994 წელს კომპანია Metrovías S.A-მ მოახდინა მეტროს საკუთრებაში მოქცევა.

ხაზი B

თანამედროვე მეტროპოლიტენი ექვს ხაზს მოიცავს, რომელთაც A" "B", "C", "D" "E" და "H" ეწოდება. ხაზები სქემაზე სხვადასხვა ფერით არის მოცემული. ხაზების საერთო სიგრძეა 52 კმ. ქალაქს მსუბუქი მეტროპოლიტენის ერთი ხაზიც ემსახურება E2. დღიური მგზავრთა ნაკადი 1,3 მლნ ადამიანია. უქმეებზე მეტროპოლიტენს ხშირად მატარებლების რაოდენობა არც კი ყოფნის. მეტროს გაფართოებაზე მუშაობა უკვე მიმდინარეობს და 2011 წლისთვის ხაზების საერთო სიგრძე 97 კმ-ს მიაღწევს.

მგზავრობის ღირებულება 0,31 აშშ დოლარის ექვივალენტია, რაც უფრო იაფია, ვიდრე საქალაქო ავტობუსის ბილეთი. მეტროში გამოიყენება ბარათები, სადაც თანხაა დარიცხული. მეტრო მუშაობს 5:00-დან 22:45-მდე და ყოველ 3-6 მოძრაობს.

ბუენოს-აირესის მეტროს ხაზები
ხაზი ფერი გახსნა მარშრუტი ბოლო გაჩერებები სიგრძე /კმ სადგურთა რაოდენობა მგზავრები დღიურად
ხაზი A ცისფერი 1913 Plaza de Mayo-Plaza Miserere Plaza de Mayo-Carabobo 8,5 16 190 000
ხაზი B წითელი 1930 Federico Lacroze-Callao L. N. Alem-de Los Incas/Parque Chas 10,2 15 345 000
ხაზი C ლურჯი 1934 Plaza Constitución-Diagonal Norte Plaza Constitución-Retiro 4,5 9 278 000
ხაზი D მწვანე 1937 Catedral-Tribunales Catedral-Congreso de Tucumán 11,0 16 385 000
ხაზი E იისფერი 1944 Plaza Constitución-Gral. Urquiza Plaza de los Virreyes-Bolívar 9,6 15 104 000
ხაზი F* შვინდისფერი ოფიციალური გახსნის დღე უცნობია Plaza Constitución-Plaza Italia** * 8,6** 13** *
ხაზი G* ნარინჯი ოფიციალური გახსნის დღე უცნობია Retiro-Cid Campeador** * 7,3** 11** *
ხაზი H ყვითელი 2007 Once-Caseros Once-Caseros 3,4 5 10 000
I ხაზი* მდოგვისფერი ოფიციალური გახსნის დღე უცნობია Plaza Italia-Parque Chacabuco** * 6,6** 9** *
* დაგეგმილი ხაზები

** Anexo I from the law 670.

რესურსები ინტერნეტში

[რედაქტირება | წყაროს რედაქტირება]
  1. ↑ Fuerte recuperación de pasajeros en el Subte durante 2022, aunque sigue un 32% por debajo de la prepandemia | enelSubte. დაარქივებულია ორიგინალიდან — 2024-02-29. ციტირების თარიღი: 2024-02-29