შინაარსზე გადასვლა

აჰმედ ჯამილი

მასალა ვიკიპედიიდან — თავისუფალი ენციკლოპედია
აჰმედ ჯამილი
აზერ. Əhməd Cəmil
დაბადების თარიღი 20 ოქტომბერი, 1913(1913-10-20)
დაბადების ადგილი ერევანი
გარდაცვალების თარიღი 24 სექტემბერი, 1977(1977-09-24) (63 წლის)
გარდაცვალების ადგილი ბაქო
საქმიანობა პოეტი და მწერალი
ენა აზერბაიჯანული ენა
მოქალაქეობა  სსრკ
ჯილდოები შრომის წითელი დროშის ორდენი და აზერბაიჯანის სსრ-ის სახელმწიფო პრემია

აჰმედ ჯამილი (აზერ. Əhməd Cəmil; 1913 წლის 20 ოქტომბერი, ერeვანი - 1977 წლის 27 სექტემბერი, ბაქო) — საბჭოთა აზერბაიჯანელი პოეტი, აზერბაიჯანის სსრ სახელმწიფო პრემიის ლაურეატი, აზერბაიჯანის მწერალთა კავშირის წევრი.

დაიბადა 1913 წლის 20 ოქტომბერს ქალაქ ერევანში ხელოსნის ოჯახში. მან მამა ადრე დაკარგა და ის დედამ გაზარდა. სკოლა ქალაქ განჯაში დაამთავრა. სწავლა განაგრძო აზერბაიჯანის პედაგოგიური ინსტიტუტის ლიტერატურის ფაკულტეტზე, რომელიც დაამთავრა 1933 წელს. მუშაობდა მასწავლებლად, უფროს მასწავლებლად და მეთოდოლოგად შამქორის რაიონის სოფელ ძეგამში (1933-1936). 1940-1942 წლებში იყო რესპუბლიკის მწერალთა კავშირის პოეტური განყოფილების მრჩეველი, თანამშრომელი, „ლიტერატურული გაზეთის” აღმასრულებელი მდივანი, აზერბაიჯანის მწერალთა კავშირის აღმასრულებელი მდივანი.

მეორე მსოფლიო ომის დროს იყო ყირიმისა და ჩრდილოეთ კავკასიის არაერთი ფრონტის ხაზის გაზეთების რედაქციების თანამშრომელი. 1953-1955 წლებში იყო აზერბაიჯანის სახელმწიფო გამომცემლობის („აზერნეშრი“) მთავარი რედაქტორი, რედაქტორი, 1956-1959 წლებში აზერბაიჯანის სსრ კულტურის სამინისტროს მრჩეველი. 1959-1960 წლებში იყო ჟურნალ „აზერბაიჯანის“ რედაქტორი, 1962-1963 წლებში კვლავ „აზერნეშრის“ მთავარი რედაქტორი, 1964-1967 წლებში გამომცემლობა „განჯლიკის“ რედაქტორი. 1973 წლიდან სიცოცხლის ბოლომდე იყო ჟურნალ „ულდუზის“ მთავარი რედაქტორი.

გარდაიცვალა 1977 წლის 27 სექტემბერს ქალაქ ბაქოში.