არა-ლერი

არა-ლერი
არა-ლერის ხედი
კოორდინატები: 40°24′20″ ჩ. გ. 44°27′08″ ა. გ.
ქვეყანა	სომხეთი
სიმაღლე	2577 მ

არა-ლერი (სომხ. Արա լեռ) — ჩამქრალი ვულკანი სომხეთში. მდებარეობს არაგაწოტნის პროვინციაში, მდინარე რაზდანსა და ქასაღს შორის. მწვერვალის სიმაღლე ზღვის დონიდან 2577 მეტრია. ვულკანს არასწორი კონუსის ფორმა აქვს გაკვეთილი მწვერვალითა და წრიული კრატერით. სასარგებლო წიაღისეულიდან მთაზე გვხვდება ანდეზიტობაზალტი და ანდეზიტი.

ფლორა

მთის ძირში გავრცელებულია ნახევარუდაბნოები, რომელიც დაფარულია ავშნით. უფრო შემაღლებული ადგილები დაფარულია სტეპებით. ვულკანის ჩრდილოეთ ფერდობზე გვხვდება მუხის კორომები და ბუჩქნარები. წლის თბილ პერიოდში მთა ნაირფეროვანი ლამაზი ყვავილებით იფარება.

ფაუნა

მთაზე მრავალი სახეობის ცხოველი გვხვდება. მწვერვალის კლდოვან მონაკვეთებზე განსაკუთრებით არიან გავრცელებული შხამიანი გველები.

ლეგენდები

გადმოცემის მიხედვით, მთის სახელწოდება მეფე არა მშვენიერისგან მომდინარეობს. ასირიის დედოფალ სემირამიდასთან ბრძოლის დროს, არამ თავისი ჯარები არა-ლერის ძირში დააბანაკა, ხოლო დედოფალმა პოზიციები ატისის ფერდობებზე დაიკავა.

ლეგენდის თანახმად, არა-ლერის მთა არა მშვენიერის სხეულს წარმოადგენს. შორიდან მთა მწოლიარე ადამიანს ჰგავს, რომელსაც ხელები მკერდზე აქვს დაწყობილი.

გალერეა

• 
  არა-ლერის მთა
• 
  „კუის ვარვარას“ ეკლესია არაგაწის მთაზე
• 
  „კუის ვარვარას“ ეკლესია
• 
  ენძელა მთაზე

იხილეთ აგრეთვე

• სომხეთის ვულკანები
• სომხეთის მთები
• სომხეთის ქედები

რესურსები ინტერნეტში

• ინფორმაცია არა-ლერის მთაზე დაარქივებული 2020-09-24 საიტზე Wayback Machine.