არალსორი

მასალა ვიკიპედიიდან — თავისუფალი ენციკლოპედია
Jump to navigation Jump to search
არალსორი
კოორდინატები: 49°02′24″ ჩ. გ. 48°14′05″ ა. გ. / 49.04000° ჩ. გ. 48.23472° ა. გ. / 49.04000; 48.23472
მდებარეობა ყაზახეთის დროშა ყაზახეთი
ტერიტორიული ერთეული დასავლეთ ყაზახეთის ოლქი
სიგანე კმ
ფართობი 200 კმ²
არალსორი — ყაზახეთი
არალსორი

არალსორი (ყაზახ. Аралсор) — გაუდინარი მწარე-მლაშე ტბა ყაზახეთში, დასავლეთ ყაზახეთის ოლქში. გაწოლილია კასპიისპირა დაბლობზე. ზედაპირის ფართობი 200 კმ².[1] სიღრმე 30-50 სმ. ნამგლისებრი მოყვანილობისაა. ციცაბო ნაპირები აქვს, ფლატოვანი, ადგილ-ადგილ მათი სიმაღლე 6-7 მ-ს აღწევს. ტბის სიგანე 3-დან 8 კმ-მდეა.[2]

არალსორის გენეზისი დაკავშირებულია მარილ-გუმბათოვან ტექტონიკასთან. ზაფხულის დადგომასთან ერთად არალსორი სწრაფად წყალმარჩხდება და ზაფხულის ბოლოსთვის ან შემოდგომაზე სრულად შრება და მის ადგილას წარმოიქმნება მლაშობი და სორები.[3] წყალი შეიცავს სუფრის მარილს, კალიუმს, იოდს, ბრომსა და სხვა ელემენტებს.[4]

ტბის ირგვლივ მარილშემცველი ტალახია, ეგრეთ წოდებული ხაკი. ტბაში იმდენი მარილია, რომ გაშრობის დროს იგი თოვლიან ადგილს ემსგავსება. განვითარებულია მარილის მოპოვება. ტბის ტალახი სამკურნალოა. გვხვდება ჰალოფიტები.[2]

აღსანიშნავია, რომ 1968 წელს აქ სსრკ-ში პირველად გაბურღეს ზეღრმა ჭაბურღილი 6,8 კმ სიღრმეზე ნავთობისა და ბუნებრივი აირის ძიების მიზნებში. არალსორის რაიონში ადგილი აქვს ბუნებრივი აირის გამოსავლებს.[5]

სქოლიო[რედაქტირება | წყაროს რედაქტირება]