ანა აბაშიძე

ანა, ზაალის ასული აბაშიძე (გ. 7 დეკემბერი, 1749) — კახეთის დედოფალი, ერეკლე II-ის მეორე მეუღლე. ერეკლემ იქორწინა მასთან 1745 წელს. ჰყავდათ ორი შვილი — გიორგი (შემდეგში მეფე გიორგი XII) და თამარი.

1847 წელს მარი ბროსემ საქართველოში მოგზაურობისას ამოიკითხა სვეტიცხოველში საფლავის ქვაზე შემდეგი წარწერა:

„ქ. უჴმოთა ლმობითა გექვნებით ყოვლითადა მჭვრეტელთა შენდობისა ყოფად არა-რაჲ ესე, რომელი ოდესმე ვიყავ ანნა, ასული აბაშიძისა, ხოლო სძალი ქართველტა მეფისა ცხებულის თეიმურაზისა და სატრფო ფერცხალი ირაკი კახთა მეფისა. არამედ ჩემ-თჳს დიდება ესე ყოველივე აქა დაშრტა, დეკენბერსა ვ. ქრისტეს აქათ ქკსა. ჩღმთ.“

პაპუნა ორბელიანის მიხედვით ანა აბაშიძე 1749 წლის 7 დეკემბერს გარდაიცვალა.

იხილეთ აგრეთვე

• ერეკლე II-ის ოჯახი

ლიტერატურა

• სოსელია ო., ენციკლოპედია „საქართველო“, ტ. 1, თბ., 1997. — გვ. 17-18.
• M. F. Brosset, Rapports sur un voyage archeologique dans la Georgie et dans l'Armenie, St.-Petersburg, 1851
• ო. სოსელია, ნარკვევები ფეოდალური ხანის დასავლეთ საქართველოს სოციალურ-პოლიტიკური ისტორიიდან (სათავადოები), ტ. I, თბ., 1973