აკაკი მგელაძე (მსახიობი)

აკაკი დიომიდეს ძე მგელაძე (დ. 10 აგვისტო, 1912, ზომლეთი — გ. თებერვალი, 1985) — ქართველი მსახიობი, საქართველოს სსრ სახალხო არტისტი (1957).

ბიოგრაფია

1938 წლიდან მუშაობდა ბათუმის სახელმწიფო თეატრში. შესრულებული აქვს სხვადასხვა ხასიათის როლები: მაზრის უფროსი (შ. დადიანის „გუშინდელნი“), გირგოლა ( ყაზბეგის „მამის მკვლელი“), ხევისბერი (ს. შანშიაშვილის „ხევისბერი“), ბეგლარი (კ. კალაძის „როგორ“), ხარიტონოვი (ბ. ლავრენიოვის „მეზღვაურები“), კომანდორი (ლოპე დე ვეგას „ცხვრის წყარო“), კლავდიუსი (შექსპირის „ჰამლეტი“) და სხვა. გადაღებულია ფილმებში „მსურველებს შეუძლიათ ჩაეწერონ“ და „მე მოვედი“.

ჯილდოები და აღიარება

• 1949 — საქართველოს სსრ დამსახურებული არტისტი
• 1957 — საქართველოს სსრ სახალხო არტისტი

ლიტერატურა

• ქაბზინაძე, ი., ქართული საბჭოთა ენციკლოპედია, ტ. 6, თბ., 1983. — გვ. 526.

რესურსები ინტერნეტში

• აკაკი მგელაძე (მსახიობი) — საქართველოს ბიოგრაფიული ლექსიკონი
• ეროვნული ფილმოგრაფია დაარქივებული 2020-04-06 საიტზე Wayback Machine.