აკაკი დვალიშვილი (რეჟისორი)

აკაკი (კაკო) დვალიშვილი
დაბადების თარიღი	23 იანვარი, 1922 თბილისი
გარდაცვალების თარიღი	30 აპრილი, 2008 (86 წლის)
საქმიანობა	თეატრის რეჟისორი
მეუღლე(ები)	მარინე თბილელი
შვილ(ებ)ი	ბაია დვალიშვილი
ჯილდოები	საქართველოს სსრ-ის ხელოვნების დამსახურებული მოღვაწე (1958) ღირსების ორდენი (1997)

აკაკი (კაკო) დვალიშვილი (დ. 23 იანვარი, 1922, თბილისი — გ. 30 აპრილი, 2008) — ქართველი თეატრის რეჟისორი. კინემატოგრაფიის სახელმწიფო კომიტეტის თავმჯდომარე (1973–1990), სარეჟისორო კოლეგიის თავმჯდომარე (1959-დან), საქართველოს კინემატოგრაფისტთა შემოქმედებითი კავშირის წევრი.

ბიოგრაფია

დაიბადა თბილისში. 1944 წელს დაამთავრა საქართველოს ინდუსტრიული ინსტიტუტის (ამჟამინდელი საქართველოს ტექნიკური უნივერსიტეტი) ელექტროტექნიკური ფაკულტეტი; შემდგომში კი შოთა რუსთაველის სახელობის თეატრალური ინსტიტუტის სარეჟისორო ფაკულტეტი.

1949 წელს დაინიშნა შოთა რუსთაველის სახელობის სახელმწიფო თეატრში რეჟისორის ასისტენტად; 1959 წელს კოტე მარჯანიშვილის სახელობის სახელმწიფო აკადემიური დრამატული თეატრის დირექტორად; 1961 წელს იყო კულტურის მინისტრის პირველი მოადგილე, პარალელურად 1967 წელს ასრულებდა კ. მარჯანიშვილის სახელობის აკადემიური თეატრის და 1973 წელს ზ. ფალიაშვილის სახელობის ოპერისა და ბალეტის თეატრის დირექტორის მოვალეობას; მისი ინიციატივით შეიქმნა საქართველოს შოთა რუსთაველის სახელობის სახელმწიფო თეატრალურ ინსტიტუტში კინოსარეჟისორო ფაკულტეტი, დაარსდა კინომსახიობთა თეატრსტუდია, ჟურნალი „ალმახანი“; მის მიერ დადგმულ სპექტაკლთა შორის აღსანიშნავია: ი. ჭავჭანიძის „თბილისელი ქალიშვილი“ (1951), ნ. გოგოლის „ბანქოს მოთამაშენი“ (1952), ს. კლდიაშვილის „დღესასწაული საკრაულაში“ (1953), ვ. კანდელაკის „სარეველა“ (1953), მ. ჯაფარიძის „ჩვენებურები“ (1956); 1955 წელს მიენიჭა დამდგმელი რეჟისორის პირველი კატეგორია. მიღებული აქვს სახელმწიფო ჯილდოები.

დაკრძალულია დიდუბის მწერალთა და საზოგადო მოღვაწეთა პანთეონში

რესურსები ინტერნეტში

• აკაკი დვალიშვილი — საქართველოს ბიოგრაფიული ლექსიკონი