აზერბაიჯან-ნიდერლანდების ურთიერთობები

აზერბაიჯან-ნიდერლანდების ურთიერთობები

აზერბაიჯანი	ნიდერლანდები

აზერბაიჯან-ნიდერლანდების ურთიერთოებები აღნიშნავს დიპლომატიურ ურთიერთობებს აზერბაიჯანის რესპუბლიკასა და ნიდერლანდებს შორის. აზერბაიჯანის საელჩო ნიდერლანდებში ჰააგაშია განთავსებული, ხოლო ნიდერლანდების საელჩო აზერბაიჯანში, ბაქოშია გახსნილი.

ისტორია

აზერბაიჯანის ამჟამინდელი საგარეო საქმეთა მინისტრი, ჯეიჰუნ ბაირამოვი

ნიდერლანდების სამეფომ აზერბაიჯანის დამოუკიდებლობა 1991 წლის 31 დეკემბერს აღიარა. 1992 წლის 1 აპრილს ქვეყნებს შორის ორმხრივი ურთიერთობები დამყარდა. 2005 წლის 20 სექტემბერს აზერბაიჯანის პრეზიდენტმა, ილჰამ ალიევმა ხელი მოაწერა ბრძანებას ნიდერლანდების სამეფოში საელჩოს გახსნის შესახებ.

2009 წლის 26 ივნისს ნიდერლანდების მთავრობამ აზერბაიჯანში საელჩოს გახსნა გადაწყვიტა და იმავე წლის აგვისტოში ეს პოსტი ჩეხეთის რესპუბლიკაში ნიდერლანდების ელჩმა, ლუკას ფონ ჰორნმა დაიკავა. 2010 წლის 16 აგვისტოს აზერბაიჯანში ნიდერლანდების სამეფოს ახალი ელჩი დაინიშნა. აზერბაიჯანში ნიდერლანდების ამჟამინდელი ელჩი არის ონო კერვერსი.

დიპლომატიური ურთიერთობები

აზერბაიჯანის რესპუბლიკასა და ნიდერლანდების სამეფოს შორის ოთხი მემორანდუმია დადებული: „ურთიერთთანამშრომლობის მემორანდუმი“ (1998 წლის 24 აპრილი); „ურთიერთთანამშრომლობის მემორანდუმი აზერბაიჯანის რესპუბლიკის სახელმწიფო სასაზღვრო სამსახურსა და ნიდერლანდების სამეფოს რეპატრიაციის სამსახურს შორის არალეგალური მიგრაციის წინააღმდეგ“ (2009 წლის 1 ივლისი); „ურთიერთანამშრომლობის მემორანდუმი აზერბაიჯანის რესპუბლიკის შინაგან საქმეთა სამინისტროსა და ნიდერლანდების სამეფოს იუსტიციის სამინისტროს შორის არაოპერაციული ურთიერთთანამშრომლობის სფეროში“ (2010 წლის 10 აგვისტო); „ურთიერთანამშრომლობის მემორანდუმი აზერბაიჯანის რესპუბლიკის საგანგებო სიტუაციების სამინისტროსა და ნიდერლანდების სამეფოს ინფრასტრუქტურისა და გარემოს დაცვის სამინისტროს შორის წყლის რესურსების მენეჯმენტთან დაკავშირებით (2014 წლის 6 ნოემბერი).

აზერბაიჯანის რესპუბლიკასა და ნიდერლანდებს შორის ექვსი შეთანხმებაა დადებული: „შეთანხმება აზერბაიჯანსა და ნიდერლანდებს შორის საჰაერო ტრანსპორტის შესახებ“ (1996 წლის 11 ივლისი); „შეთანხმება საერთო ადმინისტრაციული მხარდაჭერის შესახებ“ (2002 წლის 30 იანვარი); „ურთიერთთანამშრომლობის შეთანხმება აზერბაიჯანის რესპუბლიკასა და ნიდერლანდების სამეფოს შორის“ (2002 წლის 22 თებერვალი); „ურთიერთანამშრომლობის შეთანხმება აზერბაიჯანის რესპუბლიკის იუსტიციის სამინისტროსა და ნიდერლანდების სამეფოს იუსტიციის სამინისტროს შორის“; „შეთანხმება საერთაშორისო ავტო გადაზიდვების შესახებ“ (2004 წლის 25 მაისი).

ეკონომიკური ურთიერთობები

ნიდერლანდების ამჟამინდელი საგარეო საქმეთა მინისტრი სტეფ ბლოკი

აზერბაიჯანსა და ნიდერლანდებს შორის ეკონომიკური ურთიერთობები სხვადასხვა სფეროს მოიცავს. ორი ქვეყანა ურთიერთთანამშრომლობს სხვადასხვა მიმართულებით, როგორიცაა: მრეწველობა, სოფლის მეურნეობის პროდუქტების წარმოება, ინფორმაციული და საკომუნიკაციო ტექნოლოგიები, ტურიზმი, ჯანდაცვა, ეკოლოგია და სხვ.

აზერბაიჯანი სამხრეთ კავკასიაში ევროპის ერთ-ერთი მთავარი სავაჭრო პარტნიორია. ქვეყანა მნიშვნელოვან როლს ასრულებს ევროპის ენერგოუსაფრთხოების სფეროში. ნიდერლანდების 100 კომპანიაზე მეტი აზერბაიჯანში ოპერირებს. ეს კომპანიები აზერბაიჯანში ფინანსების, მრეწველობის, მშენებლობის, მომსახურების, ვაჭრობის, სოფლის მეურნეობის, ტრანსპორტის, ეკოლოგიისა და სხვ. სფეროებში მოღვაწეობენ.

ამჟამად აზერბაიჯანის ეკონომიკაში ნიდერლანდების პირდაპირი ინვესტიციების მოცულობა 670 მილიონ აშშ დოლარს გაუტოლდა. ბოლო წლებში აზერბაიჯანსა და ნიდერლანდებს შორის ყოველწლიურმა სავაჭრო მოცულობამ 200 მილიონი აშშ დოლარი შეადგინა. აზერბაიჯანის მთავარი საექსპორტო პროდუქტებია ნავთობი და ბუნებრივი აირი. აზერბაიჯანი ნიდერლანდების სამეგოსთან თანამშრომლობს აფშერონის ტბების, მათ შორის ბოიუკშორის ტბის რეაბილიტაციის საკითხებთან დაკავშირებით.

თანამშრომლობა სხვა სფეროებში

აზერბაიჯანი და ნიდერლანდები 2013 წლიდან თანამშრომლობენ ენერგომენეჯმენტის სფეროში. პროგრამას აზერბაიჯანის დიპლომატიური აკადემია და მაასტრიხტის მენეჯმენტის სკოლა ახორციელებს. ჰააგის საერთაშორისო სამართლის აკადემიასთან თანამშრომლობით აზერბაიჯანში მთიანი ყარაბაღის კონფლიქტთან დაკავშირებით ყოველწლიური სემინარები იმართება, რომლებსაც საერთაშორისო სამართლის სპეციალისტები უძღვებიან.

რესურსები ინტერნეტში

• President Aliyev: Relations between Azerbaijan and the Netherlands develop actively
• Azerbaijan-Netherlands relations actively developing - President Ilham Aliyev დაარქივებული 2017-12-25 საიტზე Wayback Machine.
• Dutch–Azerbaijani economic relations forged in Maastricht | The European Azerbaijan Society