აზერბაიჯანის სოციალური დაცვის სახელმწიფო ფონდი
| აზერბაიჯანის სოციალური დაცვის სახელმწიფო ფონდი აზერ. Azərbaycan Respublikası Dövlət Sosial Müdafiə Fondu | |
| |
| უწყების შესახებ | |
|---|---|
| შეიქმნა | 1992 |
| ზემდგომი უწყება | აზერბაიჯანის სოციალური დაცვისა და შრომის სამინისტრო |
აზერბაიჯანის სოციალური დაცვის სახელმწიფო ფონდი (აზერ. Azərbaycan Respublikası Dövlət Sosial Müdafiə Fondu) პასუხისმგებელია აზერბაიჯანის რესპუბლიკის მოქალაქეების სოციალური დაზღვევისა და პენსიების სფეროში საქმიანობის რეგულირებაზე.
ისტორია[რედაქტირება | წყაროს რედაქტირება]
საბჭოთა პერიოდში აზერბაიჯანში მოქალაქეების სოციალურ დაზღვევასა და პენსიებს სახელმწიფო უზრუნველყოფდა. 1992 წლის 1 ივნისს აზერბაიჯანის ეროვნულმა ასამბლეამ მიიღო კანონი „სოციალური დაზღვევისა და დასაქმების ფონდში შენატანების განაკვეთის შესახებ“.
1997 და 2001 წლების სოციალური უზრუნველყოფის კანონები და საპენსიო რეფორმები აზერბაიჯანის სოციალური დაცვის სფერო საერთაშორისო სტანდარტებთან მიახლოვდა.
ფონდს ხელმძღვანელობს თავმჯდომარე და მისი ორი მოადგილე. ფონდში შედის შვიდი დირექტორისგან შემდგარი საბჭო, რომელშიც შედიან თავმჯდომარე, ორი მოადგილე, აზერბაიჯანის ნახიჩევანის ავტონომიური რესპუბლიკის თავმჯდომარე, ფონდის ცენტრალური ოფისის უფროსი, ფინანსური და საბიუჯეტო დეპარტამენტის უფროსი და ფონდის დეპარტამენტის დირექტორი.
ცენტრალური ოფისის სტრუქტურა მოიცავს 11 დეპარტამენტსა და 2 სექტორს.
2011 წლის შემოდგომაზე ფონდის სისტემაში დაინერგა ელექტრონული ციფრული ხელმოწერა. შეიქმნა ელექტრონული ციფრული ხელმოწერების გაცემის ცენტრი[1].
2013 წლის 11 ივლისს სოციალური დაცვის სახელმწიფო ფონდმა ხანდაზმულობის პენსიის დანიშვნის ავტომატური პროცედურა დაიწყო.
სოციალური დაცვის სახელმწიფო ფონდი მჭიდროდ თანამშრომლობს ისეთ ორგანიზაციებთან, როგორებიცაა გაეროს განვითარების პროგრამა, მსოფლიო ბანკი, ევროპის რეკონსტრუქციისა და განვითარების ბანკი, აზიის განვითარების ბანკი, საერთაშორისო სავალუტო ფონდი[2].