შინაარსზე გადასვლა

ავსტრალიის ალპები

მასალა ვიკიპედიიდან — თავისუფალი ენციკლოპედია
ავსტრალიის ალპები
კოორდინატები: 36°53′39″ ს. გ. 147°08′18″ ა. გ. / 36.89417° ს. გ. 147.13833° ა. გ. / -36.89417; 147.13833
ქვეყანა ავსტრალიის დროშა ავსტრალია
ტერიტორიული ერთეული ვიქტორიას შტატი
ახალი სამხრეთი უელსი
ფედერალური ტერიტორია
უმაღლესი წერტილი კოსციუშკო
სიმაღლე 2228 
სიგრძე 400 კმ
სიგანე 150 კმ
ავსტრალიის ალპები — ავსტრალია
ავსტრალიის ალპები

ავსტრალიის ალპები (ინგლ. Australian Alps) — უმაღლესი მთათა სისტემა ავსტრალიაში. იგი მდებარეობს სამხრეთ-აღმოსავლეთ ავსტრალიაში და გადაჭიმულია ვიქტორიას, ახალი სამხრეთი უელსის შტატებსა და ფედერალურ ტერიტორიაზე. სიგრძე დაახლოებით 400 კმ, სიგანე 150 კმ-მდე, სიმაღლე 1700-2000 მ, მაქსიმალური — 2228 მ (მთა კოსციუშკო, კონტინენტის უმაღლესი წერტილი). ალპები ერთადერთი ადგილია ავსტრალიაში, სადაც რეგულარულად თოვს.

ავსტრალიის ალპები წარმოადგენს დიდი წყალგამყოფი ქედის ნაწილს. სნოუის მთები, რომელიც მდებარეობს ახალ სამხრეთ უელსში, ავსტრალიის ალპების ნაწილია. ავსტრალიის ალპები დარღვეული ჰორსტული მასივია. აგებულია პალეოზოური დანალექი ქანებითა და გრანიტის ინტრუზივებით. ეტყობა მეოთხეული გამყინვარების კვალი (მორენები, ცირკები და პატარა მყინვარული ტბები). ჩრდილოეთ-დასავლეთ კალთებზე სათავე აქვს მდინარე მურეის. ფერდობები 1200-1300 მ-მდე შემოსილია ხშირი ტყეებით (ევკალიპტი, ხეგვიმრა), ზემოთ ტანბრეცილი ტყე, ბუჩქნარი და მდელოებია.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]