ადამიანის უფლებათა დაცვისა და გამოძიების ხარისხის მონიტორინგის დეპარტამენტი
| შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტი | |
| |
| უწყების შესახებ | |
|---|---|
| შეიქმნა | 11 იანვარი, 2018 |
| იურისდიქცია | საქართველო |
| მინისტრი | ვახტანგ გომელაური |
| უწყების ხელმძღვანელი | ნინო ცაციაშვილი |
| ზემდგომი უწყება | საქართველოს შინაგან საქმეთა სამინისტრო |
| საიტი | |
| ოფიციალური ვებ-გვერდი Police.ge | |
ადამიანის უფლებათა დაცვისა და გამოძიების ხარისხის მონიტორინგის დეპარტამენტი — შინაგან საქმეთა სამინისტროს დეპარტამენტი, რომელიც 2018 წლის 11 იანვარს შეიქმნა. დეპარტამენტს 2019 წლის 15 თებერვლამდე ერქვა ადამიანის უფლებათა დაცვის დეპარტამენტი.[1] [2] 2019 წლის 24 ივლისამდე დეპარტამენტის დირექტორი იყო ლონდა თოლორაია.[3]. 2019 წლის 24 ივლისიდან დეპარტამენტს ხელმძღვანელობს ნინო ცაციაშვილი.[4]
საქმიანობა
[რედაქტირება | წყაროს რედაქტირება]შინაგან საქმეთა სამინისტროს ადამიანის უფლებათა დაცვის დეპარტამენტი უზრუნველყოფს დროულ რეაგირებასა და ეფექტიანი გამოძიების ჩატარებას შემდეგი კატეგორიის საქმეებზე:
- ოჯახური დანაშაული;
- ქალთა მიმართ ძალადობა;
- დისკრიმინაციული ნიშნით ჩადენილი დანაშაული;
- ტრეფიკინგი;
- არასრულწლოვანთა მიერ/მიმართ ჩადენილი დანაშაული.
თითოეულ ფაქტზე დროული რეაგირებისა და ეფექტიანი გამოძიების უზრუნველსაყოფად დეპარტამენტი:
- ახორციელებს გამოძიებისა და ადმინისტრაციული წარმოების მონიტორინგს;
- აანალიზებს მონიტორინგის შედეგებს , რომელთა საფუძველზეც გეგმავს სამომავლოდ სხვადასხვა (მაგ.: საკანონმდებლო, პრევენციული და სხვა) მიმართულებით განსახორციელებელ ღონისძიებებს;
- მონიტორინგის შედეგებს აცნობს ყველა იმ პირს, რომლებსაც შეხება აქვთ დეპარტამენტის კომპეტენციას მიკუთვნებულ დანაშაულებთან და ადმინისტრაციულ დარღვევებთან;
- მონიტორინგის პროცესში აღმოჩენილი ხარვეზების აღმოსაჩენად შეიმუშავებს რეკომენდაციებს;
- მონიტორინგის შედეგების საფუძველზე, განსაზღვრავს გამომძიებელთა გადამზადების საჭიროებებს და მონაწილეობას იღებს მათი კვალიფიკაციის ამაღლების პროცესში;
- ავლენს გამომძიებლებს, რომლებიც შესაძლოა წახალისდნენ მათი მოვალეობის კეთილსინდისიერად შესრულებისათვის;
- შეიმუშავებს წინადადებებს, სტრატეგიებსა და სამოქმედო გეგმებს ზემოაღნიშნული დანაშაულების პრევენციისა და ეფექტიანი გამოძიების უზრუნველყოფის მიზნით;
- აორგანიზებს და ახორციელებს პრევენციულ ღონისძიებებს;
- განიხილავს მოქალაქეთა განცხადებებს და საჩივრებს, საჭიროების შემთხვევაში ხვდება მათ;
- თანამშრომლობს ყველა იმ სახელმწიფო უწყებასთან, არასამთავრობო და საერთაშორისო ორგანიზაციასთან, რომლებიც მუშაობენ დეპარტამენტის კომპეტენციას მიკუთვნებულ საკითხებზე.[5]
კონტაქტი
[რედაქტირება | წყაროს რედაქტირება]ადამიანის უფლებათა დაცვისა და გამოძიების ხარისხის მონიტორინგის დეპარტამენტის საკონტაქტო მეილზე მოქალაქეს შეუძლია გამოაგზავნოს ნებისმიერი წინადადება, ინიციატივა, რომლებიც მიმართული იქნება დეპარტამენტის კომპეტენციას მიკუთვნებული დანაშაულის წინააღმდეგ კიდევ უფრო ეფექტიანი ბრძოლისაკენ.
- ელ.ფოსტა: adamianisuflebebi@mia.gov.ge
სქოლიო
[რედაქტირება | წყაროს რედაქტირება]- ↑ შინაგან საქმეთა სამინისტროში ადამიანის უფლებათა დაცვის დეპარტამენტი შეიქმნა. დაარქივებულია ორიგინალიდან — 2019-09-25. ციტირების თარიღი: 2018-07-30.
- ↑ ადამიანის უფლებათა დაცვის დეპარტამენტის ფუნქციებს სიცოცხლის წინააღმდეგ მიმართულ დანაშაულთა გამოძიების ხარისხის კონტროლი დაემატება
- ↑ შინაგან საქმეთა სამინისტროს ადამიანის უფლებათა დაცვის ახალი დეპარტამენტის ხელმძღვანელები დაინიშნენ. დაარქივებულია ორიგინალიდან — 2018-02-12. ციტირების თარიღი: 2018-07-30.
- ↑ შსს-ის ადამიანის უფლებათა დაცვისა და გამოძიების ხარისხის მონიტორინგის დეპარტამენტის დირექტორად ნინო ცაციაშვილი დაინიშნა
- ↑ საქართველოს შინაგან საქმეთა სამინისტროს ადამიანის უფლებათა დაცვის დეპარტამენტის დებულების დამტკიცების შესახებ - Matsne.gov.ge