BMW M5

BMW M5; ბმვ M5 სედანი
მრეწველი	BMW
პროდუქცია	1975-დღემდე
გამომშვები ქვეყანა	გერმანია
კლასი	ლუქსი; ბიზნეს კლასი
მოდელის ტიპი	სედანი
პლატფორმა	E60
ძრავა	5.0 ლ V10
სიმძლავრე	507 ცხ.ძ.
საწვავის ტევადობა	70 ლ

ბმვ M5 (BMW M5) — მაღალტექნოლოგიური ავტომანქანა, რომელიც შემუშავებულია მსხვილი გერმანული საავტომობილო კომპანია bmw-ს მიერ. წარმოადგენს BMW 5 სერიის სპორტ სედანს. პირველად BMW M5 წარმოდგენილი იყო ამსტერდამის ავტოსალონში 1984 წელს, რომელიც ხელით იყო აწყობილი და რომელიც იყენებდა 535i შასისა და მოდიფიცირებულ BMW M1-ის ძრავას. BMW M5 შემოღების მომენტიდან მსოფლიოს ყველაზე სწრაფ სედანად ითვლებოდა.^[1]

მიუხედავად Mercedes-AMG და Audi quattro GmbH BMW M5 ითვლება ერთ-ერთ ყველაზე ცნობილ სპორტულ სედანად. ყველაფერი დაიწყო ექსტრაორდინარული სპორტული ავტომანქნის შექმნის იდეით. 1970-იანი წწ. ბოლოს შემუშავებულ იქნა BMW M, რომელსაც ჰქონდა ექვსცილინდრიანი 3.5 ლიტრის მოცულობის ძრავა. 1980-იან წლებში BMW აღნიშნული კონცეფცია გადაიყვანა სერიულ წარმოებაში. ასე დაიბადა — M5.

E28 M5 (1985–1988) [რედაქტირება]

პირველი BMW M5-ის (რომელიც დაფუძნებული იყო E28 5 სერიის ბაზაზე) დებიუტი შედგა ამსტერდამის ავტოსალონში 1984 წლის თებერვალში. შეადგენდა ოთხკარებიან სედანის კატეგორიას, სპორტული ავტომობილის საერთო წარმოებით. იყენებდა 535i შასისა და მოდიფიცირებულ BMW M1-ის ძრავს. იწონიდა 1,550 კგ-ს. E28 M5 შემოღების მომენტიდან მსოფლიოს ყველაზე სწრაფ სედანად ითვლებოდა.^[1] გამოუშვეს ოთხ სხვადასხვა ვერსიაში. გამოდიოდა 1985–1988 წლებში. სულ გამოუშვეს 2,191 ცალი. საბოლოოდ E28 M5 შეცვალა E34 M5-მა.

E34 M5 (1989–1995) [რედაქტირება]

BMW E34 M5 3.6 ლიტრიანი ძრავით პირველად წარადგინეს ფრანკფურტის ავტოსალონში 1988 წლის სექტემბერში. 1991 წელს წარადგინეს იმავე მოდელი 3.8 ლიტრიანი ძრავით. М5 E34 ყველა მოდელს აწყობდნენ გერმანიის პატარა ქალაქ გარჰინგში. საბოლოოდ BMW E34 M5 შეცვალა E39 M5-მა.