ჰოაცინი

ჰოაცინი (Opisthocomus hoatzin), ქათმისნაირთა რიგის, ჰოაცინისებრთა ოჯახის ერთადერთი წარმომადგენელი. ტანად დიდი ფრინველია (მისი სხეულის სიგრძე 60 სმ, მასა 800 გ აღწევს). ბინადრობს მდ. ამაზონის აუზის ნოტიო ტყეებში. დებს 2-4 კვერცხს. ახალგამოჩეკილი მართვე შიშველია, ფრთის 1-ელ და მე-2 თითზე აქვს ბრჭყალები, რომლებიც ეხმარება ტოტებზე ცოცვაში და ზრდასრულობაში უქრება. იკვებება მცენარეული საკვებით. ბუდობს მცირე ჯგუფებად (10-40 ფრთა).

ლიტერატურა

• ჟორდანია რ., ქსე, ტ. 11, გვ. 676, თბ., 1987