სტენლი კუბრიკი

სტენლი კუბრიკი
კუბრიკი ბარი ლინდონის გადაღებისას
დაბადების სახელი	Stanley Kubrick
დაბადების ადგილი	მანჰეტენი, ნიუ იორკი, აშშ
დაიბადა	26 ივლისი, 1928
გარდაიცვალა	7 მარტი, 1999 ჰერპენდენი, ინგლისი
საქმიანობა	კინორეჟისორი, სცენარისტი, პროდუსერი
შემოქმედების წლები	1951-1999
მეუღლე(ები)	კრისტიანა ჰარლანი 1958-1999
ოფიციალური ვებგვერდი	http://kubrickfilms.warnerbros.com/
ოსკარი
საუკეთესო ვიზუალური ეფექტები 1968 — 2001: კოსმოსური ოდისეა
BAFTA
საუკეთესო რეჟისორი 1975 — ბარი ლინდონი საუკეთესო ადაპტირებული სცენარი 1972 — მექანიკური ფორთოხალი

სტენლი კუბრიკი (ინგლ. Stanley Kubrick; დ. 26 ივლისი, 1928, მანჰეტენი, ნიუ-იორკი, აშშ - გ. 7 მარტი, 1999, ჰერპენდენი, ჰერტფორდშირი, ინგლისი) — ამერიკელი კინორეჟისორი, სცენარისტი და პროდიუსერი, ცნობილი როგორც XX საუკუნის ერთ-ერთი ყველაზე გავლენიანი და ნოვატორი კინემატოგრაფისტი.

ბიოგრაფია

კუბრიკი სკოლაში ცუდად სწავლობდა, განსაკუთრებული ინტერესი მხოლოდ ჭადრაკის მიმართ ჰქონდა. 13 წლის ასაკში დაბადების დღეზე ნაჩუქარმა ფოტოაპარატმა მთლიამად შეცვალა მისი ცხოვრება, სერიოზულად დაინტერესდა ფოტოგრაფიით და 17 წლისამ დაიწყო მუშაობა ფოტოგრაფად. ფოტოგრაფიამ კუბრიკი სამუშაომ ხელოვნებით დააინტერესა, ის ჩაირიცხა კოლუმბიის უნივერსიტეტში თავისუფალ მსმენელად, საარსებო თანხას ფულზე ჭადრაკის თამაშით შოულობდა.

კუბრიკი სრულწლოვანი გახდა მეორე მსოფლიო ომის დასრულებისას და მას, ისევე როგორც მის თაობას, აღელვებდა ბირთვული ომის საშიშროება. მას სურდა ამ თემაზე ფილმის გადაღება და ურჩიეს რომანი „წითელი საფრთხე“. კუბრიკმა დაიწყო ეკრანიზაციაზე მუშაობა ჯეიმს ბ. ჰარისთან ერთად, რმომელიც მისი ბოლო სამი ფილმის პროდიუსერი იყო. კუბრიკმა ორმაცამდე პოლიტიკური და სამხედრო შინაარსის წიგნი შეისწავლა. მან გადაწყვიტა სერიოზულ წიგნის სატირულ ფილმად ქცევა. ფილმს „დოქტორი სტრეინჯლავი: ანუ როგორ გადავეჩვიე შიშს და შევიყვარე ბომბი“ ეწოდა. ფილმის გადაღება ტექნიკური და პოლიტიკური მიზეზების შეუძლებელი იყო აშშ-ში, ამიტომ კუბრიკი ინგლისში გადავიდა სამუშაოდ. კუბრიკმა მიიწვია პიტერ სელერსი, რომელთან თანამშრომლობა „ლოლიტაში“ წარმატებული გამოდგა ამ ფილმშიც და მას სამი სხვადასხვა როლი შეასრულებინა.

კუბრიკმა თავდაპირველად დოკუმენტური ფილმების გადაღება დაიწყო. შემდეგ კი საკუთარი ხარჯებით მხატვრული ფილმების გადაღებას მიჰყო ხელი. ის თავად იყო საკუთარი ადრეული ფილმების რეჟისორი, პროდიუსერი, ოპერატორი, მემონტაჟე და ხმის რეჟისორი. ჰოლივუდისკენ გზა მას პროდიუსერმა ჯეიმს ჰარისმა გაუკვალა. კუბრიკის მხოლოდ პირველი ორი ფილმის იყო ორიგინალური სცენარით გადაღებული, ყველა სხვა ცნობილი ლიტერატურული ნაწარმოების ეკრანიზაციას წარმოადგენს. კუბრიკის მიერ ეკრანიზებულია ენტონი ბერჯესის, ვლადიმერ ნაბოკოვის, სტივენ კინგის, უილიამ თეკერეისა და სხვათა ნაწარმოებები. მას ასევე უმბერტო ეკოს რომანების ეკრანიზაციაც სურდა, თუმცა ავტორისგან თანხმობა ვერ მიიღო. რეჟისორი თავის ფილმებში დიდ ყურადღებას აქცევდა სპეციფიკურ მსხვილ ხედებს, იყენებდა პოპულარულ და კლასიკურ მუსიკას.

ფილმოგრაფია

• 1953 - შიში და გატაცება / Fear and Desire
• 1955 - მკვლელის კოცნა / Killer's Kiss
• 1956 - მკვლელობა / The Killing
• 1957 - დიდების ბილიკები / Paths of Glory
• 1960 - სპარტაკი / Spartacus
• 1962 - ლოლიტა Lolita
• 1964 - დოქტორი სტრეინჯლავი / Dr. Strangelove or: How I Learned to Stop Worrying and Love the Bomb
• 1968 - 2001: კოსმოსური ოდისეა / 2001: The Space Odyssey
• 1971 - მექანიკური ფორთოხალი / A Clockwork Orange
• 1975 - ბარი ლინდონი / Barry Lyndon
• 1980 - ნათება / The Shining
• 1987 - სრულმეტალიკური გარსი / Full Metal Jacket
• 1999 - ფართოდ დახუჭული თვალებით / Eyes Wide Shut

ჯილდოები და ნომინაციები

ჯილდოები

• 1972 - ბაფტა საუკეთესო ადაპტირებული სცენარისთვის ფილმისთვის „მექანიკური ფორთოხალი"
• 1975 - ბაფტა საუკეთესო რეჟისურისთვის ფილმისთვის „ბარი ლინდონი"

ნომინაციები

• 1964 - ოსკარი საუკეთესო რეჟისორისთვის ფილმისთვის „დოქტორი სტრეინჯლავი"
• 1971 - ოსკარი საუკეთესო რეჟისორისთვის ფილმისთვის „მექანიკური ფორთოხალი"
• 1971 - ოსკარი საუკეთესო ადაპტირებული სცენარისთვის ფილმისთვის „მექანიკური ფორთოხალი"
• 1972 - ბაფტა საუკეთესო რეჟისურისთვის ფილმისთვის „მექანიკური ფორთოხალი"
• 1972 - ოქროს გლობუსი საუკეთესო რეჟისურისთვის ფილმისთვის „მექანიკური ფორთოხალი"
• 1975 - ოსკარი საუკეთესო რეჟისორისთვის ფილმისთვის „ბარი ლინდონი"
• 1975 - ოსკარი საუკეთესო ადაპტირებული სცენარისთვის ფილმისთვის „ბარი ლინდონი"

რესურსები ინტერნეტში

• ვიკიციტატაში არის სტატია: სტენლი კუბრიკი
• შეგიძლიათ იხილოთ მედიაფაილები თემაზე „სტენლი კუბრიკი“ ვიკისაწყობში.
• სტენლი კუბრიკის ოფიციალური საიტი.
• სტენლი კუბრიკის საიდუმლო სიკვდილი
• საინტერესო ფაქტები სტენლი კუბრიკის ფილმებზე
• სტენლი კუბრიკის ფოტოგრაფია