სვერის მღვიმე

სვერის მღვიმე — კარსტული მღვიმე ჭიათურის მუნიციპალიტეტის სოფელ სვერის მიდამოებში, 690 მ სიმაღლეზე. გამომუშავებულია ზედაცარცულ კირქვებში. მღვიმის წინა მონაკვეთი სუბჰორიზონტულია, ბოლო — საფეხურებიანი. ჯამური სიგრძეა — 280 მ. გვხვდება სტალაქტიტები, სტალაგმიტები, კედლის ნაღვენთები და ნგრეული მასალა.

ლიტერატურა

• ტინტილოზოვი ზ., ქართული საბჭოთა ენციკლოპედია, ტ. 9, თბ., 1985. — გვ. 314.