რობი უილიამსი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
რობი უილიამსი
რობი უილიამსი კლიპის Candy გადაღებისას, 2012 წლის აგვისტო
რობი უილიამსი კლიპის Candy გადაღებისას, 2012 წლის აგვისტო
ბიოგრაფია
ნამდვილი სახელი რობერტ პიტერ უილიამსი
დაბ. თარიღი 13 თებერვალი, 1974 (1974-02-13) (40 წლის)
დაბ. ადგილი სტოკ-ონ-ტრენტი, სტეფორდშირი, ინგლისი
ჟანრ(ებ)ი პოპ-როკი, სოფტ-როკი, საცეკვაო მუსიკა, ბრიტპოპი (ადრეული სოლო-ჩანაწერები)
საქმიანობა სიმღერების ავტორი, მომღერალი, მუსიკოსი, პროდიუსერი, მსახიობი
ინსტრუმენტ(ებ)ი ვოკალი, გიტარა, ბას-გიტარა, სინთეზატორი, დასარტყმელი საკრავები, ფორტეპიანო, ვიოლინო, ჰარმონიკა, მარიმბა
აქტიური 1987–დღემდე
ლეიბლ(ებ)ი Island, Universal (2011–დღემდე)
Virgin (2009–2010)
Chrysalis (1996–2008)
ასოციაციები Take That, გერი ბარლოუ
საიტი robbiewilliams.com

რობი უილიამსი, დაბადებისას — რობერტ პიტერ მაქსიმილიან უილიამსი (Robert Peter Maximilian Williams; დ. 13 თებერვალი, 1974, სტოკ-ონ-ტრენტი, გაერთიანებული სამეფო) — გრემის ჯილდოზე ნომინირებული, თხუთმეტი BRIT Award-ის მფლობელი ინგლისელი მომღერალი და სიმღერის ტექსტების ავტორი. მისი კარიერა 1990 წელს ჯგუფ Take That-ის წევრობით დაიწყო, რომელიც მან 1995 წელს დატოვა ბევრი უსიამოვნებების და გაუგებრობების გამო ჯგუფის წევრებთან და მენეჯმენტთან.ამის შემდეგ მან სოლო კარიერა დაიწყო. იმ დროისთვის ჯგუფს 25 მილიონი ჩანაწერი ჰქონდა გაყიდული. 2010 წლის 15 ივლისს ცნობილი გახდა, რომ იგი უერთდებოდა ჯგუფს და ისინი ერთად გეგმავდნენ ახალი ალბომის 2010 წლის ნოემბერში გამოშვებას.

მთელი მსოფლიოს მასშტაბით უილიამსს სულ 57 მილიონი ალბომი აქვს გაყიდული. იგი აღიარებულია როგორც ყველაზე კარგად გაყიდვადი ბრიტანელი სოლო მომღერალი და ყველაზე კარგად გაყიდვადი უცხოელი მომღერალი ლათინურ ამერიკაში. მისი 6 ალბომი შესულია საუკეთესოდ გაყიდვად 100 ალბომში გაერთიანებულ სამეფოში. მომღერალი ასევე აღიარებულია როგორც 90-იანების საუკეთესო მომღერალი ბრიტანეთში. [1]

ცხოვრება და კარიერა[რედაქტირება]

1974-89: ადრეული ცხოვრება[რედაქტირება]

უილიამსი დაიბადა და გაიზარდა სტეფორდშირში (ინგლისი)პიტერის და ჯენეტის ოჯახში. რობი და მისი და, სელი, გაზარდა დედამ რადგან მისი მშობლები გაშორდნენ როცა იგი დაიბადა. რობი დადიოდა მილ ჰილის სკოლაში და წმ. მარგარეტ უორდის კათოლიკურ სკოლაში, ასევე ცეკვების სკოლაში. მას რამდენიმე სასკოლო სპექტაკლშიც კი აქვს მონაწილეობა მიღებული. იგი ასევე საკმაოდ კარგად თამაშობდა ფეხბურთს და ასევე ჰქონდა ნიჭი გიტარაზე დაკვრის.

1990-1995: Take That[რედაქტირება]

1990 წელს 16 წლის რობი შეუერთდა ჯგუფ Take That-ს, სადაც ის ყველაზე პატარა წევრი იყო. ის ყველასგან გამოირჩეოდა თავისი იუმორით, ენერგიული ცეკვებით და ქარიზმატულობით. უილიამსი ასრულებდა წამყვან ვოკალს ჯგუფის ჰიტებში და პოპულარობასთან ერთად იგი სულ უფრო და უფრო ეტანებოდა ნარკოტიკებსა და ალკოჰოლს. ეს ქმნიდა კონფლიქტურ სიტუაციებს მასსა და მენეჯმენტს შორის.

1995 წლის ივლისში რობიმ მოიხმარა ნარკოტიკის გადამეტებული დოზა ემტივის ევროპის მუსიკალური დაჯილდოვების წინა დღეს რასაც ბევრი გაუგებრობა და კონფლიქტი მოყვა. ჯგუფის წევრები აპროტესტებდნენ მის ჯგუფში ყოფნას და აცხადებდნენ რომ იგი მთელ ჯგუფს ცუდ მდგომარეობაში აგდებდა. ერთ-ერთი ჯგუფის წევრის, ბარლოუს განცხადებით იგი აღარ ცდილობდა შემოქმედებითი იდეების მოფიწრებაზე და იმასაც არ ასრულებდა რასაც სხვები ავალებდნენ. იგი ასევე ხშირად აცდენდა რეპეტიციებს და ნაკლებ ინიციატივებს იჩენდა ბენდის საქმიანობასთან დაკავშირებით. ამის გამო ჯგუფის წევრებმა გადაწყვიტეს რომ ამოეგდოთ იგი ჯგუფიდან და ტურებიდან.

სოლო კარიერა[რედაქტირება]

Life Thru a Lens (1996–98)[რედაქტირება]

1996 წელს გამოვიდა რობის პირველი სოლო სინგლი, "Freedom" - ჯორჯ მაიკლის ამავე სიმღერის ახალი ვერსია. სინგლი მოხვდა ბრიტანული ჩარტის #2 ადგილზე [2] - 26 პოზიციით უფრო მაღლა, ვიდრე ჯორჯ მაიკლის ორიგინალი.

პირველი ალბომის ჩაწერა დაიწყო ლონდონში, იმავე წლის მარტში. გაი ჩემბერსის გაცნობის შემდეგ უილიამსმა გამოსცა კიდევ ერთი სინგლი, "Old Before I Die" - სწორედ ეს იყო პირველი რელიზი მისი მომავალი დისკიდან (Freedom არც ერთ სტუდიურ ალბომში არ შესულა). ბრიტანულ ჩარტში ის კვლავ #2 ადგილზე იყო, თუმცა საერთაშორისო არენაზე ნაკლები წარმატება ხვდა წილად. მეორე სინგლს, "Lazy Days" (1997) ახლდა ვიდეოკლიპიც, მაგრამ სხვა მხრივ, სინგლის სარეკლამო კამპანიას ადგილი თითქმის არ ჰქონია, ბრიტანეთში ის მხოლოდ #8 ადგილს დასჯერდა, მაგრამ ევროპული ჩარტის 40-ეულში მაინც მოხვდა.

სადებიუტო სოლო-დისკი Life thru a Lens გამოჩნდა 1997 წლის სექტემბერში. მისი ცოცხლად წარდგენა მოხდა პარიზში (საფრანგეთი). თავდაპირველად დისკის კომერციული წარმატება არ შეიმჩნეოდა. მესამე სინგლმა "South of the Border" ასევე არ გაამართლა იმედები. 1997 წლის სექტემბერში გამოცემის შემდეგ ის მოხვდა ჩარტების მხოლოდ #14 ადგილზე.

ხმისჩამწერი კომპანია განიცდიდა რობის სოლო-წარუმატებლობას, მაგრამ დახმარება გამოჩნდა მეოთხე სინგლის, "Angels" სახით. იგი იქცა ბესტსელერად ბრიტანეთში და მიენიჭა ორმაგი პლატინის სტატუსი.[3] სიმღერას დიდი წარმატება ხვდა წილად როგორც ევროპაში, ასევე ლათინურ ამერიკაში, რამაც ხელი შეუწყო სტუდიური ალბომის გაყიდვების მნიშვნელოვან ზრდას. ბრიტანეთის საუკეთესო 10-ეულში მან 40 კვირა გაატარა, საერთოდ ბრიტანულ ჩარტებში კი - 218 კვირა, რითაც ის იქცა ამ ქვეყნის ისტორიაში რიგით 58 ყველაზე გაყიდვად ალბომად - 2.4 მილიონი ასლის ოდენობით.[4] მთელ ევროპაში მისი გაყიდვები შთამბეჭდავი იყო - 3 მილიონი ასლის სახით.[5]

I've Been Expecting You[რედაქტირება]

პროდიუსერ ჩემბერსთან ერთად უილიამსმა მეორე სტუდიურ დისკზე მუშაობა 1998 წელს დაიწყო - იგი იამაიკაზე იწერებოდა. სინგლი "Millennium" დაიწერა ჯონ ბარის მიერ ჯეიმზ ბონდის ფილმებისათვის შექმნილი მუსიკის გავლენით. ბრიტანეთში გამოცემისთანავე (რასაც ჯეიმზ ბონდის ისტორიების სტილში გადაღებული ვიდეოკლიპიც ახლდა) სინგლი მოხვდა ჩარტების #1 ადგილზე. მხოლოდ ბრიტანეთში გაიყიდა მისი 400.000 ასლი. 1998 წლის ნოემბერში მას მიენიჭა ოქროს სტატუსი.[6] ბევრ ევროპულ ქვეყანაში მას ასევე მნიშვნელოვანი წარმატება ხვდა წილად.[7]

დისკოგრაფია[რედაქტირება]

სტუდიური ალბომები
კრებულები
ცოცხალი ალბომები

დამოწმებები[რედაქტირება]

  1. Take That Biography 2007. takethattv.com. წაკითხვის თარიღი: 2008-01-04.
  2. Robbie Williams. 8notes.com. წაკითხვის თარიღი: 2009-12-23.
  3. Award Certification for "Angels". BPI. წაკითხვის თარიღი: 2008-01-04.
  4. Award Certification for "Life Thru A Lens". BPI. წაკითხვის თარიღი: 2008-01-04.
  5. IFPI Platinum Europe Awards - 2002. IFPI (2002).
  6. Award Certification for "Millennium". BPI. წაკითხვის თარიღი: 2008-01-04.
  7. Dutchcharts.nl Robbie Williams - Millennium. GfK Dutch Charts.