The Flood (Take That-ის სიმღერა)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
„The Flood“
The Flood ყდა
სინგლი, შემსრულებელი - Take That
ალბომიდან Progress
B-მხარე ინსტრუმენტული ვერსია
გამოსვლის თარიღი 7 ნოემბერი 2010
ფორმატი კომპაქტ დისკი, ციფრული ვერსია
ჩაიწერა ივნისი-აგვისტო 2010
ჟანრი პოპი, პოპ-როკი
ხანგრძლივობა 4:51
ლეიბლი Polydor
სიმღერის ავტორი გერი ბარლოუ
პროდიუსერი სტიუარტ პრაისი
Take That - სინგლების ქრონოლოგია
Hold Up A Light
(2009)
The Flood
(2010)
Kidz
(2011)

The Flood — ჯგუფ Take That-ის პირველი სინგლი 2010 წლის სტუდიური ალბომიდან Progress. იგი ჩაიწერა 2010 წლის ზაფხულში, როდესაც ჯგუფში დაბრუნდა ყოფილი წევრი რობი უილიამსი. ვოკალს ასრულებენ რობი უილიამსი და გერი ბარლოუ.

მუსიკალური ვიდეო[რედაქტირება]

სიმღერის მუსიკალურ ვიდეოში ჯგუფის წევრები სპორტსმენთა გუნდს ნავით მდინარეზე ეჯიბრებიან. საბოლოოდ, მეტოქე გუნდი იმარჯვებს, მაგრამ Take That სცდება ფინიშს და მოგზაურობს უფრო დიდ მანძილზე, მდინარე თემზაზე.. საგულისხმოა, რომ ჯგუფის ნავს აწერია Progress, სტუდიური ალბომის აღსანიშნავად.

შეფასება[რედაქტირება]

ძირითადად სინგლს მსოფლიო მედიაში დადებითი შეფასება ხვდა წილად. BBC Radio 1-ის ეთერში პრემიერის შემდეგ სოციალური ქსელების მომხმარებლებმა და ჯგუფის მოყვარულებმა სინგლს წარმოუდგენელი უწოდეს.[1] დოკუმენტურ ფილმში Take That: Look Back, Don't Stare შეტანილია ალბომის ჩაწერის დროს სტუდიაში ელტონ ჯონის ვიზიტი, რომელიც უსმენს სიმღერის დემო-ვერსიას და აღნიშნავს: ბრწყინვალეა, იცით რა დიდებული რამ იქნება ეს?[2]

რესურსმა Digital Spy სინგლს მიანიჭა 4 ვარსკვლავი და აღნიშნა, რომ ეს არის ნამდვილი ეპიკური პოპი[3], ხოლო The News of The World-ისგან სინგლმა 5 ვარსკვლავი დაიმსახურა, კომენტარით ეს უკვე არის კლასიკა და Back for Good-ის მეტოქე. ეს გიგანტური ჰიმნი უფრო კარგად გაიჟღერებს ცოცხალი შესრულებისას.[4]

The Telegraph-ის აზრი: The Flood არის ჩვენ-სამყაროს-წინააღმდეგ სტილის პოპ ჰიმნი[5] Orange ეთანხმება ამ მოსაზრებას და ამატებს, რომ როდესაც საუბარია სრულყოფილ პოპ-მუსიკაზე, ეს ჯგუფი თავისი საქმის ოსტატია.[6]

სიმღერები[რედაქტირება]

  • ბრიტანული დისკი
  1. The Flood – 4:51
  2. The Flood (ინსტრუმენტული) – 4:51
  • ბრიტანული DVD სინგლი
  1. The Flood (ვიდეო) – 5:00
  2. The Flood (გადაღება) – 2:30

სქოლიო[რედაქტირება]

რესურსები ინტერნეტში[რედაქტირება]