პორტალი:ახალი ამბები/2010 აგვისტო 6

მიმდინარე მოვლენები 6 აგვისტო, 2010 (2010-08-06) (პარასკევი)

პაკისტანის ოფიციალური წარმომადგენლების განცხადებით, წყალდიდობებმა 12 მილიონი ადამიანი დააზარალა. (რადიო თავისუფლება) უბედური შემთხვევა ხობში. 13 წლის გიგა ჯოლოხავა პაპასთან ერთად მდინარე ხობისწყალში დაიხრჩო. მოზარდმა ცურვა არ იცოდა და წყლის დინებამ წაიღო. შვილიშვილის დახმარებას 68 წლის ნოდარ ქობალია შეეცადა, მაგრამ წყალმა ისიც ჩაითრია. (rustavi2.com) პოლონეთის არჩეული პრეზიდენტი ბრონისლავ კომოროვსკი დღეს ვარშავაში პრეზიდენტის ფიცს დადებს, თითქმის ოთხ თვეში ავიაკატასტროფაში პრეზიდენტ ლეხ კაჩინსკის დაღუპვის შემდეგ. ფიცის დადების ცერემონია ადგილობრივი დროით 14:00 საათზეა დაგეგმილი. კომოროვსკიმ საპრეზიდენტო არჩევნების მეორე ტურში დაღუპული პრეზიდენტის - ლეხ კაჩინსკის ძმა იაროსლავ კაჩინსკი დაამარცხა. (რადიო თავისუფლება) ინდოეთის ქაშმირში ძლიერი წვიმის შედეგად გამოწვეულ წყალდიდობას 60-მდე ადამიანი ემსხვერპლა. ხელისუფლების ცნობით, ათობით ადამიანი უგზოუკვლოდ დაიკარგა. დანგრეულია გზები. ყველაზე მეტად ქალაქი ლეჰი დაზარალდა. (რადიო თავისუფლება)