ოშოშა

მასალა ვიკიპედიიდან — თავისუფალი ენციკლოპედია
ოშოშა
Glechoma hederacea
Glechoma hederacea
მეცნიერული კლასიფიკაცია
სამეფო:  მცენარეები
განყოფილება:  ფარულთესლოვნები
კლასი:  ორლებნიანნი
ოჯახი:  ტუჩოსანნი
გვარი:  ოშოშა
ლათინური სახელი
Glechoma

ოშოშა, ოშიში (Glechoma) — მცენარეთა გვარი ტუჩოსანთა ოჯახისა. მრავალწლოვანი ბალახოვანი მცენარეებია. გრძელი, გართხმული ღეროები და იისფერი ყვევილები აქვთ.

გვარში სულ 10-12 სახეობაა, რომელიც გავრცელებულია ევრაზიაში. საქართველოში მხოლოდ 1 სახეობაა — Glechoma hederacea. ხარობს ტენიან ადგილებში, ბუჩქნარებში, ტყის პირებზე, როგორც სარეველა — ბოსტნებსა და ბაღებში, მთის ქვედა და შუა სარტყელში.

კარგი თაფლოვანი მცენარეა. შეიცავს ეთეროვან ზეთებსა და მთრიმლავ ნივთიერებებს. ნორჩი ყლორტები იჭმება. ძველად ხალხურ მედიცინაში იყენებდნენ.

ლიტერატურა[რედაქტირება | წყაროს რედაქტირება]

  • ხინთიბიძე ლ., ქსე, ტ. 7, გვ. 621, თბ., 1984