კრასნი-სადის სამეფო ოჯახის წამებულთა ეკლესია
კრასნი-სადის სამეფო ოჯახის წამებულთა ეკლესია | |
ძირითადი ინფორმაცია
| |
---|---|
რელიგიური კუთვნილება | რუსეთის მართლმადიდებელი ეკლესია |
ქვეყანა | რუსეთი |
პროვინცია | როსტოვის ოლქი |
ადგილმდებარეობა | კრასნი-სადი |
სასულიერო სტატუსი | აღდგენილია |
საიტი | http://krasnsad.cerkov.ru/ |
ხუროთმოძღვრების აღწერა
| |
თარიღდება | 2009-2017 |
გარე სურათები | |
---|---|
აღდგენილი ეკლესიის ფოტო | |
ეკლესიის საერთო ხედი | |
ძველი და ახალი შენობა |
კრასნი-სადის სამეფო ოჯახის წამებულთა ეკლესია (რუს. Церковь Царственных Страстотерпцев) — მართლმადიდებლური ეკლესია კრასნი-სადში მიეკუთვნება რუსეთის მართლმადიდებელი ეკლესიის მოსკოვის საპატრიარქოს როსტოვისა და ნოვოჩერკასკის ეპარქიას.
მისამართი: 346731, რუსეთის ფედერაცია, როსტოვის ოლქი, აზოვის რაიონი, სოფ. კრასნი-სადი, საქარხნოს ქუჩა № 15.
ისტორია[რედაქტირება | წყაროს რედაქტირება]
მართლმადიდებლური თემი სოფელ კრასნი-სადში ჩამოყალიბდა 1997 წელს[1], ხოლო სამეფო ოჯახის წამებულთა ეკლესიის მრევლი ოფიციალურად დარეგისტრირდა 2000 წლის 24 ნოემბერს[2]. ადგილობრივმა ადმინისტრაციამ მრევლს გადასცა პატარა შენობა, რომელიც გაარემონტეს მორწმუნეების ფინანსებით. შენობის ერთ ნაილში განათავსეს სამლოცველო სახლი, ხოლო მეორე ნაწილში - საეკლესიო-სამრევლო სათავსოები.
2009 წელს დაიწყო ახალი ხის ეკლესიის აშენება, რომლის მშენებლობაც დასრულდა 2017 წელს. ეკლესიის საკურთხეველი აკურთხეს სამეფო ოჯახის წამებულთა - რუსეთის უკანასკნელი იმპერატორის, ნიკოლოზ II-ის, დედოფალ ალექსანდრას, მეფისწულის ალექსის, მეფის ასულების ოლგას, ტატიანას, მარიასა და ანასტასიას სახელზე. ეკლესიის მშენებლობაში დიდი წვლილი შეიტანა „აგროფირმა კრასნი-სადმა“[3].
სამეფო ოჯახის წამებულთა სახელობის ეკლესიის წინამძღვრად დაინიშნა ანდრეი ჟორჟის ძე მნაცაგანოვი[4]. ეკლესიის მოვალეობაში შედის ასევე ბატაისკის № 15 მკაცრი რეჟიმის გამოსასწორებელი კოლონიის პატიმართა სულიერ საზრდოზე ზრუნვაც[2].
აღწერა[რედაქტირება | წყაროს რედაქტირება]
ეკლესიის კედლები აგებულია ხის მორებით. სახურავი გადახურულია მეტალის ფირფიტებით. დამონტაჟებულია იატაკის გათბობა. ეკლესიის გუმბათში გამოსახულია იესო ქრისტე. იგეგმება კანკელის ჩამოსხმა მეტალისაგან, ხოლო ზარი ჩამოასხეს 2010 წელს ვორონეჟის ქარხანა „Вера“-ში. ეკლესიაში დაცულია ხატი წმინდა ელისაბედისა და ბარბარეს წმინდა ნაწილებით.
შაბათობით სკოლაში მუშაობს საკვირაო სკოლა.
რესურსები ინტერნეტში[რედაქტირება | წყაროს რედაქტირება]
- Сайт церкви
- Село Красный Сад, Церковь Царственных Страстотерпцев
- Азовское благочиние - храмы დაარქივებული 2017-11-03 საიტზე Wayback Machine.
სქოლიო[რედაქტირება | წყაროს რედაქტირება]
- ↑ Храм в честь Святых Царственных Страстотерпцев. დაარქივებულია ორიგინალიდან — 2017-11-13. ციტირების თარიღი: 2017-06-28.
- ↑ 2.0 2.1 История прихода
- ↑ Агрофирма „Красный Сад“
- ↑ Иерей Мнацаганов Андрей Жоржович. დაარქივებულია ორიგინალიდან — 2017-06-19. ციტირების თარიღი: 2017-06-28.