კაჭკაჭი (მონეს ნახატი)

კაჭკაჭი
La Pie
ავტორი	კლოდ მონე
წელი	1868-1869
კატალოგი	133
ტიპი	ზეთი, ტილო
სიმაღლე	89 სმ
სიგანე	130 სმ
ქალაქი	პარიზი
მუზეუმი	ორსეის მუზეუმი

კაჭკაჭი — ფრანგი იმპრესიონისტი მხატვრის, კლოდ მონეს ნახატი, შესრულებული ზეთის საღებავებით, ტილოზე, 1868-1869 წლებში ნორმანდიაში, ეტრეტას კომუნას მახლობლად.

1869 წელს საფრანგეთში დიდი თოვლი მოვიდა. ეტრეტაში მონემ ზამთრის ახალი ტილოების შექმნა განიზრახა და ბაზილს „კაჭკაჭისათვის“ საღებავების გამოგზავნა სთხოვა. ბევრი მოვერცხლისფრო თეთრი, შავი, ბევრი სპილოსძვლისფერი, ბევრი კობალტისფერი ლურჯი, ბევრი გამჭვირვალე ლაქი და ყვითელი ოხრა, ესაა ფერები, რომლებიც მონემ ამ ნახატის დასახატად გამოიყენა. ნახატში თოვლი ძალიან მსუბუქი და ბრჭყვიალაა.

ვინაიდან მონეს ძალიან მოსწონდა ჰოლანდიური მხატვრობა, შეიძლება ვიფიქროთ, რომ აფასებდა ბრეიგელსაც, თუმცა მისგან განსხვავებით მონესთან საერთოდ არ არიან პერსონაჟები, მხატვარი გვიჩვენებს ისეთ სამყაროს სადაც ადამიანი არ ჩანს. ეს კომპოზიცია ძალიან მარტივია და გარკვეულწილად კოროს გავლენა იგრძნობა.

კომპოზიცია გაწონასწორებულია: წინა პლანზე გეომეტრიული ჩრდილებია განლაგებული, მეორე პლანი თოვლით დაფარული ხეების ტოტებია, ჰორიზონტის დასალიერში კი შეიძლება იყოს ზღვა ან მდელო.

1869 წლის სალონის ჟიურიმ „კაჭკაჭი“ დაიწუნა. შეიძლება იმიტომ, რომ ის შესანიშნავი ლურჯი ჩრდილების ეფექტი, რომელიც კაჭკაჭის ბუმბულზეც მეორდება, მხატვრის სურვილით მას ლურჯ ფრინველად აქცევს.

ლიტერატურა

• დიდი მხატვრები, მონე, გამომცემლობა პალიტრა L, თბ., 2010
• Fell, Derek (2007). The Magic of Monet's Garden. Firefly Books. ISBN 1-55407-277-8.
• Schapiro, Meyer (1997). Impressionism: Reflections and Perceptions. George Braziller. pp. 68–69. ISBN 0-8076-1420-3.
• Wildenstein, Daniel (1999). Monet: Or the Triumph of Impressionism. Taschen. ISBN 3-8228-7060-9.

რესურსები ინტერნეტში

• The Magpieდაარქივებული 2022-06-15 საიტზე Wayback Machine. at the Musée d'Orsay full entry
• The Magpie დაარქივებული 2011-08-27 საიტზე Wayback Machine. at the Grand Palais, Monet Numérique (high-resolution)