თვალჭყეტია

თვალჭყეტია (Burhinus oedicnemus), ფრინველი წეროსნაირთა რიგისა. რიგი ავტორები აერთიანებენ მას მეჭვავიასნაირთა რიგში. მისი სხეულის სიგრძე 45 სმ აღწევს. აქვს ქვიშისფერი ბუმბული, ზურგზე გასწვრივი შავი ზოლებით. გავრცელებულია ევროპაში, შუა და სამხრეთ აზიაში, ჩრდილოეთ აფრიკაში. საქართველოში გვხვდება მიმოფრენისას. ბუდეს იკეთებს მიწაზე, ორმოში. დებს 2, იშვიათად 3 კვერცხს. კრუხობს 26 დღე. ღამის ფრინველია. იკვებება მწერებით, ხვლიკებით, წვრილი მღრღნელებით.

ლიტერატურა

• მ. კუტუბიძე, ქსე, ტ. 4, გვ. 673, თბ., 1979