ვახუშტი დიასამიძე
ვახუშტი დიასამიძე — ქართველი პოლიტიკოსი, XVI საუკუნის სამცხე-საათაბაგოს დიდგვაროვანი ფეოდალი.
ბიოგრაფია[რედაქტირება | წყაროს რედაქტირება]
მხარს უჭერდა ქართლის მეფის ლუარსაბ I-ის პოლიტიკას; თავის ძმასთან შერმაზან დიასამიძესთან ერთად XVI საუკუნის 30-40-იანი წლებში ჯავახეთისა და სამცხის მნიშვნელოვანი პროვინციები ლუარსაბ I-ს დაუმორჩილა, ლუარსაბმა კი იგი ლორის ბატონად დანიშნა; ათაბაგ ქაიხოსრო II-ის წაქეზებით ირანის შაჰმა თამაზ I-მა 1553 წელს მესხეთისა და სამცხის სოფლები და ქალაქები დაარბია, სხვა დიდებულებთან ერთად, ვახუშტი დაატყვევა და სიკვდილით დასაჯა.
ლიტერატურა[რედაქტირება | წყაროს რედაქტირება]
- ენციკლოპედია „საქართველო“, ტ. 2, თბ., 2012. — გვ. 402.
- ქართული საბჭოთა ენციკლოპედია, ტ. 3, თბ., 1978. — გვ. 502.