ერნესტ რენანი

ჟოზეფ ერნესტ რენანი
დაბადების თარიღი	28 თებერვალი, 1823
დაბადების ადგილი	ტრეგიე, კოტ-დ’არმორის დეპარტამენტი
გარდაცვალების თარიღი	2 ოქტომბერი, 1892
გარდაცვალების ადგილი	პარიზი
საქმიანობა	მწერალი, ფილოლოგი, აღმოსავლეთმცოდნე
ეროვნება	ფრანგი

ჟოზეფ ერნესტ რენანი (ფრანგ. Joseph Ernest Renan; დ. 28 თებერვალი, 1823, ტრეგიე, კოტ-დ’არმორის დეპარტამენტი – გ. 2 ოქტომბერი, 1892, პარიზი), ფრანგი მწერალი, ფილოლოგი და აღმოსავლეთმცოდნე. ფრანგული აკადემიის წევრი 1878 წლიდან. რენანის შრომები გამსჭვალულია უნივერსალური სკეფსისით, ობიექტური ჭეშმარიტების შეცნობის შეუძლებლობის რწმენით, რელატივიზმით. მისი შეხედულებები გადმოცემულია თხზულებაში „ფილოსოფიური დიალოგები და ფრაგმენტები“ (1876) და მასთან დაკავშირებულ „ფილოსოფიურ დრამებში“: „კალიბანი“ (1878), „ნემიელი მღვდელი“ (1885) და სხვა.

ლიტერატურა

• ქართული საბჭოთა ენციკლოპედია, ტ. 8, გვ. 354, თბ., 1984 წელი.