ერკიულ პუარო

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
დევიდ სუშე ერკიულ პუაროს როლში

ერკიულ პუარო (ინგლ. Hercule Poirot) — აგათა კრისტის დეტექტივების ერთ-ერთი ძირითადი პერსონაჟი, ბელგიელი გამომძიებელი.

პერსონაჟის გარეგნობა და ხასიათი[რედაქტირება]

კრისტის ნოველებში ცნობილი გამომძიებელი ერკიულ პუარო აღწერილია როგორც საშუალოზე დაბალი, მსხვილი, ასაკოვანი კაცი, დიდი კვერცის ფორმის თავით და წარმოუდგენელი ფორმის უვლაშებით. პუარო ყოველთვის კარგად იცვამს და დიდ ყურადღებას უთმობს საკუთარ ჯანმრთელობას, შემოდგომაზე იგი ყოველთვის ხმარობს შარფს, მას არ უყვარს გაუმართლებელი რისკი.

პუაროს უყვარს გემრიელად ჭამა, განსაკუთრებით აფასებს ფრანგულ სამზარეულოს. იგი დადის კარგ და ძვირადღირებულ რესტორანებსი, როგორც წესი მარტო და როგორც წესი გემრიელი კერძებით დასატკბობად. იგი არ სვამს ლუდს და უყვარს შავი მოცხვარის სეროფი.

პუარო ბელგიელია და არ უყვარს როდესაც ხალხს იგი ფრანგი ჰგონია. იგი ინგლისელების ბევრ წესჩვეულებას უცნაურად მიიჩნევს. პუაროს არ უყვარს სახლის განიავება და ფანჯრების გაღება, იგი მიიჩნევს რომ კარგი ჰაერის ადგილი ქუჩაშია.

პუაროს ყველგან და ყველაფერში სიმეტრია და წესრიგი უყვარს. მის ბინაში ყველაფერი კვადრატულია, და მისი სახლიც კვადრატულია. პუარო ვერ იტანს უწესრიგობას და არეულობას.

გამოძიებებს პუარო აწარმოებს "საკუთარ სავარძელში". მისი სიტყვებით არაა საჭირო რომ მან თვითონ ეძებოს ნაფეხურები და სხვა სამხილები, იგი მხოლოს ჯდება სავარძელში, ფიქრობს და ასე ხსნის საქმეებს.

პერსონაჟის ბიოგრაფია[რედაქტირება]

ერკიულ პუარო დაიბადა XX საუკუნის დასაწყისში ბელგიაში. იგი ახალგაზრდობიდან ბელგიის პოლიციაში მუშაობდა. მეორე მსოფლიო ომის დროს კი დაზვერვასთან იყო კავშირში. ამავე დროს იგი როგორც ლტოლვილი გადასახლდა ინგლისში, სადაც გაატარა დარჩენილი ცხოვრება.

60-ანი წლებისთვის მან საკმარისი კაპიტალი მოაგროვა რათა უზრუნველად ეცხოვრა და ჩამოშორდა საქმიანობას. მიუხედავად ამისა სკოტლანდ იარდის თანამშრომლები და კერძო პირები მას ხშირად სთხოვდნენ დახმარებას.

პუაროს მონაწილეობით დეტექტივები[რედაქტირება]

  • იდუმალი მოვლენა სტაილზში
  • მკვლელობა გოლფის მოედანზე
  • როჟერ ერკორდის მკვლელობა
  • ცისფერი მატარებლის საიდუმლო
  • ენდჰაუზის საიდუმლო
  • ლორდ ეჯვერის სიკვდილი
  • ტრაგედია სამ აქტად
  • აღმოსავლეთ ექსპრესი
  • სიკვდილი ღრუბლებში
  • მკვლელობა ანბანის მიხედვით
  • მკვლელობა მესოპოტამიაში
  • კარტები მაგიდაზე
  • სიკვდილი ნილოსზე
  • მდუმარე მოწმე
  • მკვლელობა ქინგს-ებოთში
  • მკვლელობა ეზოში
  • წარმოუდგენელი ძარცვა
  • გატეხილი სარკე
  • როდოსის სამკუთხედი
  • პაემანი სიკვდილთან
  • ერკიულ პუაროს შობა
  • ერთი ერთი - სტუმარი ჩვენთან ზის
  • სევდიანი კიპარისი
  • ბოროტება მზის ქვეშ
  • ხუთი გოჭი
  • წარმატების ნაპირი
  • მის მაკ-ჯინტის სიკვდილი
  • დაკრძალვის შემდეგ
  • ხიკორი დიკორი დოკ...
  • კაპრიზი
  • კატა მტრედებს შორის
  • საათი
  • მესამე გოგო
  • ჰელოუინის ზეიმი
  • სპილოებს ყველაფერი ახსოვთ
  • ფარდა (უკანასკნელი საქმე)

პუარო კინემატოგრაფიაში[რედაქტირება]

ალბერტ ფინეი პუაროს როლში

ერკიულ პუაროს როლში პირველად ოსტინ ტრევორი თამაშობდა, 1931 წელს ფილმში ალიბი.

1975 წელს ალბერტ ფინეიმ ბრწყინვალედ შეასრულა პუაროს როლი ფილმში "აღმოსავლეთის ექსპრესი". კიდევ ერთი ცნობილი შემსრულებელია პიტერ უსტინოვი, რომელმაც ითამაშა ფილმებში "სიკვდილი ნილოსზე" (1978), "ბოროტება მზის ქვეშ" (1982) და "პაემანი სიკვდილთან" (1988).

პუაროს როლის ყველაზე ცნობილი შემსრულებელი კი არის დევიდ სუშე, რომელმაც ითამაშა სერიალ "პუაროში".

რესურსები ინტერნეტში[რედაქტირება]