დაკარგული ქვეყანა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

დაკარგული ქვეყანა“ (ინგლ. The Lost World) არის ართურ კონან დოილის (დ. 22 მაისი, 1859, ედინბურგი ― გ. 7 ივლისი, 1930, კროუბორო) ერთ-ერთი ყველაზე ცნობილი და სახელგანთქმული მოთხრობა, რომელზეც გადაღებულია მრავილი ფილმი თუ სერიალი. გამოქვეყნებულ იქნა 1912 წელს და დღეისათვის მრავალ ენაზეა ნათარგმნი.

სიუჟეტი[რედაქტირება]

პროფესორი ჩელენჯერი სამხრეთ ამერიკაში, ამაზონთან აღმოაჩენს ტაფობს, რომელზეც მისი თქმით დინოზავრები ბინადრობენ. მას ყველა გიჟად თვლის და თავისი სიმართლის დასამტკიცებლად ის ექსპედიციას დაგეგმავს, რომლის მიზანიც იქნებოდა დაემტკიცებინა ტაფობისა და დინოზავრების არსებობა. ექსპედიცია შედგება თვითონ პროფესორ ჯორჯ ედუარდ ჩელენჯერისგან, ედუარდ მელოუნისგან, რომლის მოვალეობაა გააშუქოს გაზეთში იქ მომხდარი ამბები (მისი პირითაა მოთხრობილი თვით მოთხრობაც) , ლორდი ჯონ როქსტონი , რომელიც გამოცდილი მონადირე და მეომარია და პროფესორი სამერლია, რომელიც ექსპედიაციას მოწმის როლშია წაყოლილი და პროფესორი ჩელენჯერის მუდმივი მოწინააღმდეგეა. ექსპედიციაში ისინი თან წაიყვანენ ორ მეტისს , ერთ ზანგს და რამდენიმე ინდიელს. როდესაც ისინი უკვე ტაფობს მიადგებიან, ცდიან გზით წასვლას, რომლითაც ტაფობზე მეპლ-უატი მოხვედრილა (მეპლ-უატი იყო ალბინოსი მხატვარი, რომელიც პროფესორ ჩელენჯერმა მომაკვდავი იპოვა პირველი ექსპედიციის დროს ინდიელების სოფელში და სწორედ მისი ჩანახატების მიხედვით იპოვა ტაფობი) , მაგრამ მეპლ-უატის გზა ჩახერგილიყო და შეუძლებილი იყო ამ გზით ტაფობზე მოხვედრა. ამის შემდეგ ექსპედიციამ გადაწყვიტა ტაფობის გვერდზე მყოფი პირამიდის მაგვარ კლდეზე ასულიყო და იქიდან გადამძვრალიყო ტაფობზე. ასეც მოიქცნენ ავიდნენ კლდეზე მოჭრეს ხე, რომელიც ხიდად გამოიყენეს, გადავიდნენ ტაფობზე და ხიდიც ჩაენგრათ. ის ერთ-ერთმა მეტისმა ჩაანგრია, რომლის ძმაც მოუკლავს ლორდ ჯონს ომის დროს და მანაც გადაწყვიტა შური ეძია. ლორდ ჯონმა ამის შემდეგ ისიც შაშხანით მოკლა. ხოლო მეორე მეტისი მათმა ერთგულმა ზანგმა სამბომ მოახრჩო, რომელიც ქვემოთ იმყოფებოდა და რომელიც ცივილიზებულ სამყაროსთან ერთადერთი კავშირის საშუალება იყო.სამბოს ყოველდღე მიქონდა ტაფობის გვერდზე მყოფი კლდიდან თოკის საშუალებით ჟურნალისტი ედუარდ მელოუნის წერილები და მოქონდა საჭირო აღჭურვილობა. ამ ტაფობზე ისინი იხილავენ მრავალ დიდი ხნის წინ გადაშენებულ დინოზავრსა თუ მცენარეს, მაგრამ ასევე იხილავენ თანამედროვე ირემს და სხვა თანამედროვე ცხოველსა და მცენარეს. რადგან ამ ქვეყნის პირველი აღმომჩენი მეპლ-უატი იყო,ისინი გადაწყვეტენ „დაკარგულ ქვეყანას“ დაარქვან „მეპლ-უატის ქვეყანა“. ექსპედიცია ტაფობზე ასევე იხილავს კაცმაიმუნებს, რომლებიც იმით ერთობიან, რომ ხალხს უფლსკრულში ყრიან სადაც ბამბუკებია და მათი სიკვდილით ხალისობენ, ასევე გაუკეთეს მეპლ-უატის ერთ-ერთ თანამგზავრს. ისინი ასევე დაიჭერენ ერთ ღამეს და იგივეს დაუპირებენ მთელ ექსპედიციას, გარდა მელოუნისა, რომელიც ამ დროს ტაფობის შუაგულში მყოფი ტბის გამოსაკვლევადაა გაპარული. დილას ის შეხვდებალორდ ჯონ როქსტონს, რომელიც გამოიპარა და რომელსაც ტანსაცმელი სულ მთლად დახეოდა. შემდეგ ის და მელონი მოიმარაგებენ იარაღს და წავლენ მეგობრების გადასარჩენად. ისინი ამოხოცავენ კაცმაიმუნების დიდ ნაწილს და გადაარჩენენ თავიანთ მეგობრებსა და ინდიელებს, რომლებიც როგორც გაირკვა იქვე, ტაფობის ქვაბულებში ცხოვრობენ და დიდი ხნის წინ მოსულან „მეპლ-უატის გზით“ და დიდი ხანია მტრობენ კაცმაიმუნებთან. ექსპედიციის წევრები მიეხმარებიან მათ კაცმაიმუნების გაწყვეტაში და მადლობის ნიშნად ტომის ბელადის შვილი მითითებას მისცემს ტაფობიდან ჩასასვლელ გზაზე. ისინი ამ გზით წავლენ და მალევე ლონდონში დაბრუნდებიან, იქ ახლა ყველა ექსპედიციის წევრს გიჟად თვლიდნენ, მაგამ მათ დამამტკიცებელ საბუთათ წამოყვანილი ჰყავდათ პატარა პტეროდაქტილი, რამაც ყველა განაცვიფრა და მათ სიმართლეში დაარწმუნა. ბოლოს კი აღმოჩნდა, რომ ლორდ ჯონს ტაფობზე ნაპოვნი ჰქონდა ძალიან ძვირფასი ალმასები, რომლებიც მელოუნმა, ჩელენჯერმა, სამერლიმ და ლორდ ჯონმა თანბრად გაიყვეს და სხვადასხვა საქმეში მოიხმარეს.

იხილეთ აგრეთვე[რედაქტირება]

მოწამლული სარტყელი