გუარანა

გუარანა (Paullinia cupana), მარადმწვანე ბუჩქი საპინდისებრთა ოჯახისა. ბუნებრივად იზრდება ბრაზილიასა და ვენესუელაში. მისი თესლისაგან (შეიცავს ფისს, მთრიმლავ ნივთიერებებს და 5%-მდე კოფეინს) ამზადებენ პასტას, ე. წ. გუარანას, რომელსაც ზოგ ქვეყანაში სამკურნალოდ და ყავის მსგავსი სასმელის დასამზადებლად იყენებენ.

ლიტერატურა

• ქართული საბჭოთა ენციკლოპედია, ტ. 3, გვ. 287, თბ., 1978 წელი.