გივი ჭელიძე

გივი ჭელიძე
დაბადების თარიღი	1929
ეროვნება	ქართველი
საქმიანობა	ჟურნალისტი
ჯილდოები	საქართველოს დამსახურებული ჟურნალისტი

გივი ჭელიძე (დ. 1929) — ქართველი ჟურნალისტი.

ბიოგრაფია

დაიბადა 1929 წელს. დაამთავრა მოსკოვის უმაღლესი პარტიული სკოლის ჟურნალისტიკის ფაკულტეტი.

მუშაობდა საქტელერადიოკომიტეტში, გაზეთ „ახალგაზრდა კომუნისტის“ რედაქციაში. სხვადასხვა წლებში იყო გაზეთ: „მაცნეს“, „ერქვანის“, „რეფორმის“ რედაქტორი. გაზეთ „თბილისის“ რედაქციაში მუშაობდა განყოფილების გამგედ, 1985-1988 წლებში.

1988 წლიდან არის საქართველოს ჟურნალისტთა (ახლანდელი ფედერაციის) კავშირის თავმჯდომარის პირველი მოადგილე და რეგიონალური განყოფილების ხელმძღვანელი; 1993 წლიდან — ჟურნალ „ჟურნალისტის“ ერთ-ერთი დამფუძნებელი და რედაქტორი; ჟურნალისტური კლუბის „საფიხვნოს“ პრეზიდენტი. არის რამდენიმე წიგნის ავტორი. მისი სცენარების მხიედვით გადაღებულია დოკუმენტური ფილმები, მიღებული აქვს რამდენიმე ჯილდო.

ჯილდოები

• 1998 — ღირსების ორდენი
• 1987 — საქართველოს დამსახურებული ჟურნალისტი

ლიტერატურა

• ენციკლოპედია „თბილისი“, თბ., 2002. — გვ. 745, ISBN 99928-20-32-2.

რესურსები ინტერნეტში

• გივი ჭელიძე — საქართველოს ბიოგრაფიული ლექსიკონი