ბიოტა

ბიოტა (Thuja) — მცენარეთა გვარი კვიპაროზისებრთა ოჯახისა. მისი ერთადერთი სახეობა — აღმოსავლური ბიოტა (Thuja orientalis, Biota orientalis) 8-10 მ სიმაღლის ხე, ხშირად კი ბუჩქია. აქვს ჯვარედინ-მოპირისპირედ განლაგებული ქერქლისებრი წიწვები. გირჩა მომწიფებამდე მოცისფრო-მწვანეა, შემდეგ მუქი ლურჯი და ლეგა ნაფიფქით მოფენილი, ბოლოს კი — მოწითალო-ყავისფერი.

ბიოტას სამშობლოდ ითვლება ჩინეთი და კორეა. საქართველოში ფართოდ არის კულტივირებული; გაველურებული გვხვდება კახეთში დედოფლისწყაროს ახლოს. გვალვაგამძლეა. კარგად იტანს სხვლას.

ლიტერატურა

• ქართული საბჭოთა ენციკლოპედია, ტ. 2, გვ. 393, თბ., 1977 წელი.