N.W.A (Niggaz Wit Attitudes-ის აბრევიატურა)[1][2][3] — ამერიკული ჰიპ-ჰოპ ჯგუფი კომპტონიდან (კალიფორნია). იგი იყო დასავლეთ სანაპიროს ჰიპ-ჰოპის და განგსტა-რეპის ერთ-ერთი ადრეული და აღსანიშნავი კოლექტივი, რომელმაც ჟანრებს პოპულარობა მოუტანა.[4] ჯგუფი არსებობდა 1986-1991 წლებში და შეიძინა სკანდალური იმიჯი სიმღერების ტექსტის გამო.[5] მიუხედავად იმისა, რომ ამ მიზეზით ჯგუფის მუსიკა ამერიკული რადიოსადგურების ეთერიდან მოიხსნა, აშშ-ში ჯგუფის 10 მილიონი ჩანაწერი გაიყიდა. ჯგუფი აგრეთვე ცნობილია პოლიციის სისტემისადმი კრიტიკული დამოკიდებულებით.