წიფლისებრნი

წიფლისებრნი
მეცნიერული კლასიფიკაცია
სამეფო:  მცენარეები
ლათინური სახელი
Fagaceae
სისტემატიკა ვიკისახეობებში სურათები ვიკისაწყობში ITIS   19275 NCBI   3503 EOL   4197 IPNI   30000116-2 FW   52764

წიფლისებრნი (ლათ. Fagaceae) — ორლებნიან მცენარეთა ოჯახი. აერთიანებს 7-9 გვარის 900-მდე სახეობას. გავრცელებულია ორივე ნახევარსფეროს ტროპიკულ, სუბტროპიკულ და ზომიერი ჰავის ქვეყნებში (გამონაკლისია ტროპიკული და სამხრეთ აფრიკა). სახეობათა მეტი წილი თავმოყრილია სამხრეთ-აღმოსავლეთ აზიაში. წიფლისებრნთა უმეტესობა მარადმწვანე ან ფოთოლმცივანი ხეებია, იშვიათად — ბუჩქები. აქვთ უსახური მომწვანო ფერის ყვავილები და მეტნაკლებად რედუცირებული დიქაზიუმი. სახეობათა უმრავლესობა ანემოფილურია, ერთსახლიანი. ოჯახისათვის დამახაისათებელი ნიშანია სანაყოფე ბუდე (cupula); ოჯახის ბევრ სახეობას დიდი სახალხო-სამეურნეო და ეკონომიკური მნიშვნელობა აქვს.

საქართველოში ველურად ხარობს მუხა, წაბლი და წიფელი, კულტურაში დანერგილია პაზანია.

ლიტერატურა

• დოლუხანოვი ა., ქართული საბჭოთა ენციკლოპედია, ტ. 11, თბ., 1987. — გვ. 334.