რაშმორის მთა
-2_new.jpg)
რაშმორის მთის ეროვნული მემორიალი (ინგლ. Mount Rushmore National Memorial), კისტოუნთან (სამხრეთი დაკოტა) — აშშ-ის პრეზიდენტთა მემორიალი, რომელიც ამერიკის დაბადების, გაზრდის, თვითმყოფადობისა და განვითარების ხსოვნას ეძღვნება. მთელი მემორიალი 518 ჰექტარს მოიცავს და ზღვის დონიდან 1745 მ სიმაღლეზე მდებარეობს[1]. კლდეში ნაკვეთი აშშ-ის პრეზიდენტების ჯორჯ ვაშინგტონის, თომას ჯეფერსონის, თეოდორ რუზველტისა და აბრაამ ლინკოლნის პროფილები მთის სამხრეთ-აღმოსავლეთ კალთაზეა[2]. მემორიალს წელიწადში დაახ. 2 მილიონი მნახველი ჰყავს[3].
მთას სახელი ცნობილი ნიუ-იორკელი იურისტის ჩარლზ რაშმორის გამო დაერქვა 1885 წელს. მთაზე მონუმენტის კვეთის იდეა დაიბადა სამხრეთ დაკოტის ბლეკ-ჰილზ რეგიონში ტურიზმის გაზრდის მიზნით. ხანგრძლივი მოლაპარაკებების შემდეგ, რომელიც მოიცავდა საკონგრესო დელეგაციასა და პრეზიდენტ კელვინ კულიჯს, პროექტმა კონგრესის თანხმობა მიიღო. კვეთის სამუშაოები 1927 წელს დაიწყო და 1941 წლამდე გრძელდებოდა.
ფაქტები
[რედაქტირება | წყაროს რედაქტირება]- ბრიტანული როკ-ჯგუფის Deep Purple-ის ცნობილი ალბომის Deep Purple in Rock გარეკანის დიზაინი დაფუძნებულია რაშმორის მთის თემაზე — მასზე გამოსახულია ჯგუფის ხუთი წევრის კლდეში გამოკვეთილი სახე.
სქოლიო
[რედაქტირება | წყაროს რედაქტირება]- ↑ Mount Rushmore, South Dakota (1 ნოემბერი, 2004). Peakbagger.com.
- ↑ Mount Rushmore National Memorial დაარქივებული 2017-08-23 საიტზე Wayback Machine. . 6 დეკემბერი, 2005. Mount Rushmore Information. (ინგლისური)
- ↑ Mount Rushmore National Memorial Frequently Asked Questions. National Park Service. (ინგლისური)
რესურსები ინტერნეტში
[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „რაშმორის მთა“ ვიკისაწყობში.- ოფიციალური საიტი
- Google Maps
