იხილეთ წყარო გვერდისთვის მარია იოჰანა გაბრიელა ავსტრიელი

{{ინფოდაფა წარჩინებული
|სახელი = მარია იოჰანა გაბრიელა ავსტრიელი
|სურათი = Johanna Gabriele of Habsburg Lorraine1 copy.jpg
|ფოტოს სიგანე = 250პქ
|წოდებები = ავსტრიის ერცჰერცოგინია
|საგვარეულო = [[ჰაბსბურგ-ლოთარინგიის დინასტია|ჰაბსბურგ-ლოთარინგიელები]]
|დაიბადა = [[4 თებერვალი]], [[1750]]
|დაბადების ადგილი = [[ვენა]], [[ავსტრია]]
|გარდაიცვალა = [[23 დეკემბერი]], [[1762]], (12 წლის)
|გარდაცვალების ადგილი = [[ვენა]], [[ავსტრია]]
|მამა = [[ფრანც I შტეფანი|ფრანც I, საღვთო რომის იმპერატორი]]
|დედა = [[მარია ტერეზია|მარია ტერეზია, ავსტრიის იმპერატრიცა]]
|რელიგია = [[კათოლიციზმი]]
}}
'''მარია იოჰანა გაბრიელა ავსტრიელი''' ({{Lang-de|Maria Johanna Gabriele von Österreich}}; დ. [[4 თებერვალი]], [[1750]], [[ვენა]], [[ავსტრია]] — გ. [[23 დეკემბერი]], [[1762]], [[ვენა]], [[ავსტრია]]) —  [[ჰაბსბურგები|ჰაბსბურგთა დინასტიის]] წარმომადგენელი. საღვთო რომის იმპერატორ [[ფრანც I შტეფანი|ფრანც I შტეფანისა]] და ავსტრიის იმპერატრიცა [[მარია ტერეზია|მარია ტერეზიას]] შუათანა ქალიშვილი. საღვთო რომისა და ავსტრიის ორი იმპერატორის: [[იოზეფ II (სრი)|იოზეფ II]]-ისა და [[ლეოპოლდ II (სრი)|ლეოპოლდ II]]-ის, ასევე საფრანგეთის დედოფალ [[მარი ანტუანეტი|მარი ანტუანეტის]] და, ავსტრიის იმპერატორ [[ფრანც II]]-ის მამიდა.

== ბიოგრაფია ==
[[ფაილი:Two Archduchesses of Austria in aulic attire - Pierre Benevault - 1759.jpg|მარცხნივ|მინი|287x287პქ|მარია იოჰანა გაბრიელა თავის საყვარელ დასთან, იოზეფასთან ერთად 1759 წელს]]
მარია იოჰანა გაბრიელა დაიბადა 1750 წლის 4 თებერვალს ჰოფბურგის სასახლეში, ვენაში. იგი იყო ავსტრიის იმპერატრიცა [[მარია ტერეზია|მარია ტერეზიასა]] და მისი მეუღლის, საღვთო რომის იმპერატორ [[ფრანც I შტეფანი|ფრანც I შტეფანის]] შუათანა ქალიშვილი. თავისი მრავალი და-ძმიდან იგი განსაკუთრებულად ახლოს იყო თავის უმცროს დასთან, ერცჰერცოგინია მარია იოზეფასთან.

ის და იოზეფა გამუდმებით ერთად იყვნენ და შემდგომში განათლებასაც ერთად იღებდნენ. ერცჰერცოგინიები შეისწავლიდნენ: წერა-კითხვას, ლათინურს, უცხო ენებს, ისტორიას, გეოგრაფიას, სამხედრო არქიტექტურას, მათემატიკას, მუსიკას, ცეკვასა და გრამატიკას. მას შემდეგ, რაც სამი წელი შეუსრულდათ, ღრმადმორწმუნე დედის გავლენით შეისწავლიდნენ რელიგიასაც, თუმცა მხოლოდ [[კათოლიციზმი|კათოლიციზმს]].

როგორც კი მარია იოჰანა გაბრიელას ათი წელი შეუსრულდა, დედამისმა მისი გათხოვებისა და თავის პოლიტიკურ თამაშებში ჩართვა მოისურვა. მარია ტერეზიასა და ესპანეთის მეფე [[კარლოს III (ესპანეთი)|კარლოს III]]-ს შორის მრავალი წლის განმავლობაში მიმდინარეობდა თავიანთი შვილების საქორწინო მოლაპარაკებები. გადაწყვეტილი იყო, რომ მარია ტერეზიას შუათანა ასული, ერცჰერცოგინია [[მარია ამალია ავსტრიელი]] ცოლად უნდა გაჰყოლოდა კარლოსის ვაჟს, ნეაპოლისა და სიცილიის მეფე [[ფერდინანდ I (ორი სიცილია)|ფერდინანდ I]]-ს. ისინი დაინიშნენ კიდევაც, მაგრამ მოულოდნელად, კარლოს III-მ ნიშნობა გააუქმა და მარია ამალია თავის შვილიშვილზე, პარმისა და პიაჩენცის ჰერცოგ [[ფერდინანდ I (პარმის ჰერცოგი)|ფერდინანდზე]] დააქორწინა, შემდეგ კი განაცხადა, რომ თავისი ვაჟის, მეფე ფერდინანდის დაქორწინება მარია იოჰანა გაბრიელაზე სურდა. მარია ტერეზია ამ შეთავაზებას სიხარულით დასთანხმდა და მარია იოჰანას სასწრაფოდ დაუწყო იტალიაში გასათხოვებლად მომზადება, თუმცა მოულოდნელად, 1762 წელს ერცჰერცოგინიას ყვავილი შეეყარა და იმავე წლის 23 დეკემბერს გარდაიცვალა, 12 წლის ასაკში.

აღსანიშნავია, რომ მისი დაღუპვის მიუხედავად, მარია ტერეზიამ ფარ-ხმალი არ დაყარა და კარლოს III-თან მოლაპარაკებები განაგრძო. შეთანხმდნენ, რომ ფერდინანდს ცოლად მარია იოჰანა გაჰყვებოდა, თუმცა 1767 წელს ისიც მოულოდნელად გარდაიცვალა, 16 წლის ასაკში. საბოლოოდ, ფერდინანდ I-ს ცოლად მარია ტერეზიას უმცროსი ქალიშვილი [[მარია კაროლინა ავსტრიელი]] შერთეს, რომელიც ნეაპოლისა და სიცილიის დედოფალი გახდა და მრავალი შვილი გააჩინა. 

== ლიტერატურა ==
* Iby, Elfriede (2009). Maria Theresa: Biography of a Monarch (1st ed.). Schloß Schönbrunn. ISBN 3-901568-57-3.
* Magiels, Geerdt (2010). From Sunlight to Inlight (1st ed.). VUBPrint. ISBN 9789054876458.
{{ავსტრიის ერცჰერცოგინიები დაბადებით}}
[[კატეგორია:დაბადებული 4 თებერვალი]]
[[კატეგორია:დაბადებული 1750]]
[[კატეგორია:გარდაცვლილი 23 დეკემბერი]]
[[კატეგორია:გარდაცვლილი 1762]]
[[კატეგორია:ჰაბსბურგ-ლოთარინგიელები]]
[[კატეგორია:ავსტრიის პრინცესები]]
[[კატეგორია:ყვავილით გარდაცვლილები]]