ველებიტი

ველებიტი
ველებიტი
კოორდინატები: 44°32′ ჩ. გ. 15°14′ ა. გ.
ქვეყანა	ხორვატია
უმაღლესი წერტილი	ვაგანსკი-ვრხი
სიმაღლე	1757 მ
ფართობი	2200 კმ²
სიგრძე	150 კმ
სიგანე	10-30 კმ

ველებიტი (ხორ. Velebit) — ქედი დინარის მთიანეთში, ხორვატიაში. გადაჭიმულია ჩრდილო-დასავლეთიდან სამხრეთ-აღმოსავლეთისაკენ ადრიატიკის ზღვის სანაპიროს გასწვრივ დაახლოებით 150 კმ-ზე. ციცაბოდ ეშვება ზღვისკენ. სიმაღლე 1757 მ-მდე (მთა ვაგანსკი-ვრხი). ჩვეულებრივ ველებიტი 4 ნაწილად იყოფა: ჩრდილოეთი ველებიტი, შუა ველებიტი, სამხრეთი ველებიტი და სამხრეთ-აღმოსავლეთი ველებიტი. უმთავრესად აგებულია კირქვებით. განვითარებულია კარსტი. არის მღვიმეები. დასავლეთი ციცაბო კალთები უტყეოა, დამრეცი აღმოსავლეთი კალთები 1300 მ-მდე შემოსილია ფართოფოთლოვანი ტყეებით, უფრო მაღლა — წიწვოვანი ტყეა. ველებიტი ბუნების პარკად არის გამოცხადებული. გამოიყოფა 2 ეროვნული პარკი: ჩრდილოეთ ველებიტი და პაკლენიცა.

რესურსები ინტერნეტში

• ველებიტი — სტატია დიდი საბჭოთა ენციკლოპედიიდან (რუსული)