გიზო ჟორდანია

გიზო ჟორდანია
გიზო ჟორდანია
დაბადების თარიღი	25 სექტემბერი, 1934; ლანჩხუთი
გარდაცვალების თარიღი	19 ნოემბერი, 2016 (82 წლის); თბილისი
ეროვნება	ქართველი
მოქალაქეობა	საქართველო
საქმიანობა	რეჟისორი, პედაგოგი
მეუღლე(ები)	ნათელა ვაჩნაძე

გაიოზ (გიზო) ჟორდანია (დ. 25 სექტემბერი, 1934, ლანჩხუთი — გ. 19 ნოემბერი, 2016, თბილისი) — ქართველი თეატრის რეჟისორი და პედაგოგი. საქართველოს სახალხო არტისტი (1983), ღირსების ორდენის კავალერი (1999).

ბიოგრაფია[რედაქტირება | წყაროს რედაქტირება]

1958 წელს დაამთავრა თბილისის სახელმწიფო თეატრალური ინსტიტუტის სარეჟისორო ფაკულტეტი.

1957–1958 წლებში იყო თეატრალური ინსტიტუტის პრეპარატორი; 1958–1961 წლებში მასწავლებელი; 1961 წლიდან უფროსი მასწავლებელი; 1961–1965 წლებში ბათუმის, 1965–1970 და 1979–1986 რუსთაველის თეატრების დამდგმელი რეჟისორი; 1970–1979 თბილისის ოპერისა და ბალეტის, 1979–1986 გრიბოედოვის თეატრების მთავარი რეჟისორი; 1991–1999 თეატრისა და კინოს ინსტიტუტის რექტორი; 1993 წლიდან ბათუმის ოპერის მთავარი რეჟისორი; 1995 წლიდან მსახიობის ოსტატობის კათედრის გამგე; 1998 წლიდან რეჟისურის კათედრის გამგე, პროფესორი. დადგმული აქვს 100-ზე მეტი სპექტაკლი საქართველოში და საზღვარგარეთ; ავტორია სამეცნიერო ნაშრომებისა დრამატული თეატრის, ოპერისა და სათეატრო პედაგოგიკის პრობლემებზე.