ალბერტ ბატირგაზიევი
ალბერტ ბატირგაზიევი | |
|---|---|
 | |
| საერთო ინფორმაცია | |
| სრული სახელი | ალბერტ ხანბულატოვიჩ ბატირგაზიევი |
| ეროვნება | რუსები |
| დაიბადა |
23 ივნისი, 1997 ბაბაიურტი, დაღესტანი, რუსეთი |
| სიმაღლე | 1,67 მ |
| პროფესიონალური კარიერა | |
| ბრძოლა | 6 |
| მოგება | 6 |
| მოგება ნოკაუტით | 5 |
ალბერტ ხანბულატოვიჩ ბატირგაზიევი (რუს. Альберт Ханбулатович Батыргазиев — „ɐlʲˈbʲerd bətɨrɡɐˈzʲi(ɪ̯)ɪf“; დ. 23 ივნისი, 1997 წელი, ბაბაიურტი, დაღესტანი, რუსეთი) — რუსი პროფესიონალი მოკრივე, რომელმაც ოქროს მედალი მოიპოვა ტოკიოს 2020 წლის ზაფხულის ოლიმპიურ თამაშებზე.
ოლიმპიური კარიერა[რედაქტირება | წყაროს რედაქტირება]
ბატირგაზიევი თინეიჯერობის დროს ჩემპიონი იყო კიკბოქსინგში. 2016 წელს კი სერიოზულად დაკავდა კრივით. ბატირგაზიევი გამოვიდა რუსეთის სახელით 2019 წლის კრივის მსოფლიო ჩემპიონატზე. 2020 წლის ევროპის საკვალიფიკაციო ტურნირზე მან ოქროს მედალი მოიპოვა.[1][2] ბატირგაზიევი გამოვიდა ტოკიოს 2020 წლის ზაფხულის ოლიმპიურ თამაშებზე, სადაც პირველი ორი ბრძოლა მოიგო ნახევარფინალამდე მისასვლელად. მან დაამარცხა კუბელი სამგზის ოლიმპიური მედალოსანი ლაზარო ალვარესი ანგარიშით 3:2. ფინალში ბატირგაზიევმა დაამარცხა შეერთებული შტატების წარმომადგენელი დიუკ რაგანი ანგარიშით 3:2 და გახდა პირველი პროფესიონალი მოკრივე ოლიმპიურ ისტორიაში, რომელმაც ოქროს მედალი მოიპოვა.[3][4]
პროფესიონალური კარიერა[რედაქტირება | წყაროს რედაქტირება]
ბატირგაზიევის პროფესიონალური დებიუტი შედგა 2020 წლის 3 ივლისს. პირველ ბრძოლაში მან გამარჯვება მოიპოვა არმენ ატაევის წინააღმდეგ.[5] მან მეორე ბრძოლა გამართა ერჟან ტურგუმბეკოვის წინააღმდეგ 2020 წლის 22 აგვისტოს ყაზანში, რუსეთი. ბრძოლის დროს ტურგუმბეკოვს მეექვსე რაუნდში ქულა დააკლდა ქამრის ქვემოთ დარტყმის გამო. საბოლოოდ ბატირგაზიევმა გაიმარჯვა ტექნიკური ნოკაუტით (TKO) მეათე და ბოლო რაუნდში 1 წუთსა და 38 წამში.[6]
შემდეგ ის დაუპირისპირდა სიბუსისო ზინგანგეს 2021 წლის 29 იანვარს მოსკოვში, საბჭოთა Wings Sport Palace-ში. ბატირგაზიევმა მეშვიდე რაუნდში დაამიწა მეტოქე, თუმცა ზინგანგი მსაჯის ათამდე დათვლამდე ფეხზე წამოდგა, მაგრამ მეშვიდე რაუნდში ტექნიკური ნოკაუტით ბატირგაზიევმა საბოლოო გამარჯვება მოიპოვა.[7]
ბატირგაზიევმა 2021 წლის 11 ოქტომბერს სუატ ლაზესთან გამართა ორთაბრძოლა. ბრძოლა ეძღვნებოდა ბაშკორტოსტანის ეროვნულ დღეს და გადაიცემოდა Match TV-ზე.[8] ბატირგაზიევმა ბრძოლა მეორე რაუნდში ნოკაუტით მოიგო.[9]
მან შემდეგი ბრძოლა 2021 წლის 24 დეკემბერს, მოსკოვში, რუსეთში, ფრანკლინის მანცანილასთან გამართა, რომელიც მან მეოთხე რაუნდის ტექნიკური ნოკაუტით მოიგო.[10][11]
ბატირგაზიევი ჰეიბათულა ჰაჯიალიევს დაუპირისპირდა 2022 წლის 3 აპრილს, მოსკოვში, რუსეთში. მან მოიგო ბრძოლა შემდეგი ქულებით: 99–91, 100–90 და 100–90.[12][13]
2022 წლის ივნისში მან რუსეთის ნაკრებთან ერთად მონაწილეობა მიიღო კომპანია „Liga Stavok"-ისა და პირველი არხის შეჯიბრში - „კრივის ლიგა". თასი ნახევრადპროფესიული წესით ჩატარდა: 4-რაუნდიანი ორთაბრძოლები პროფესიონალური წესებით, მაგრამ ორთაბრძოლები რბილი სამოყვარულო კრივის ხელთათმანებით გაიმართა. ტრავმის გამო ბატირგაზიევმა ამ თასის ოთხი ტურნირიდან მხოლოდ ერთში მიიღო მონაწილეობა 63 კგ-მდე წონით კატეგორიაში და ტექნიკური ნოკაუტით დაამარცხა სამხრეთ აფრიკელი როფიმა მაევა.[14]
პირადი ცხოვრება[რედაქტირება | წყაროს რედაქტირება]
ალბერტ ბატირგაზიევი წარმომავლობით არის ნოგაი.[15] ის დაიბადა დაღესტნის რესპუბლიკის ბაბაიურტის რაიონის სოფელ გემეტიუბეში. როდესაც ის ექვსი წლის იყო, მისი მშობლები საცხოვრებლად ნიჟნევარტოვსკში გადავიდნენ. დედა მუშაობდა აღმზრდელად, მამა კი მეხანძრე იყო. მას ჰყავს ხუთი ძმა: ერთი უფროსი და ოთხი უმცროსი.[16] ბებია, ბიძა, დეიდა, ბიძაშვილები და დები ცხოვრობენ დაღესტნის რესპუბლიკის ბაბაიურტის რაიონის სოფელ გემეტიუბეში.[17]
რესურსები ინტერნეტში[რედაქტირება | წყაროს რედაქტირება]
Альберт Батыргазиев (ინგლისური) — სტატისტიკა საიტზე „BoxRec“
სქოლიო[რედაქტირება | წყაროს რედაქტირება]
- ↑ Dzambekov and Abduljabbar boxed over their previous limits at the AIBA World Boxing Championships on Day7 (16 September 2019). ციტირების თარიღი: 20 June 2021
- ↑ Shefferd, Neil. (8 June 2021) Britain claim three golds at European Olympic boxing qualifier. ციტირების თარიღი: 20 June 2021
- ↑ Beacham, Greg. Batyrgaziev, Ragan make Olympic history for pro boxers. ციტირების თარიღი: 5 August 2021
- ↑ Batyrgaziev, first professional boxer with an Olympic gold en (6 August 2021). დაარქივებულია ორიგინალიდან — 3 დეკემბერი 2021. ციტირების თარიღი: 6 August 2021
- ↑ Sukachev, Alexey. (3 July 2020) Madiev-Osipov Ends in Draw, Batyrgaziev Wins Big in Pro Debut – Boxing News. ციტირების თარიღი: 19 June 2021
- ↑ Sukachev, Alexey. (22 August 2020) Alexey Papin Knocks Out Ruslan Fayfer in WBC Eliminator. ციტირების თარიღი: 20 June 2021
- ↑ Sukachev, Alexey. (29 January 2021) Albert Batyrgaziev, Rustam Tulaganov Get Big Wins in Moscow. ციტირების თარიღი: 20 June 2021
- ↑ Sukachev, Alexey. Albert Batyrgaziev is Back in The Paid Ranks, Fights Suat Laze in Ufa. ციტირების თარიღი: 20 December 2021
- ↑ Sukachev, Alexey. Albert Batyrgaziev Takes Out Suat Laze in Two Rounds. ციტირების თარიღი: 20 December 2021
- ↑ Sukachev, Alexey. Batyrgaziev, Agrba Headline The Last Big Event of 2021 in Russia. ციტირების თარიღი: 20 December 2021
- ↑ Sukachev, Alexey. Albert Batyrgaziev Takes Out Franklin Manzanilla in Four Rounds (24 December 2021). ციტირების თარიღი: 26 December 2021
- ↑ Olympic champion boxer Batyrgaziev beat Gadzhialiyev in Moscow. ციტირების თარიღი: 3 April 2022
- ↑ Альберт Батыргазиев победил Гайбатуллу Гаджиалиева решением судей. ციტირების თარიღი: 3 April 2022
- ↑ Сборные России и Азии вышли в финал «Интерконтинентального Кубка». AllBoxing.Ru (2022-06-19). ციტირების თარიღი: 2022-07-07.
- ↑ Альберт Батыргазиев стал чемпионом России.
- ↑ Не судите о книге по обложке.. ციტირების თარიღი: 2019-09-17
- ↑ Талант не поможет, если не работать.. ციტირების თარიღი: 2019-09-17