SOFAZ Tower
SOFAZ კოშკი — აზერბაიჯანის რესპუბლიკის სახელმწიფო ნავთობის ფონდი კოშკი, აზერბაიჯანის დედაქალაქ ბაქოში, მაღალ შენობა. ცათამბჯენი წარმოადგენს აზერბაიჯანის რესპუბლიკის სახელმწიფო ნავთობის ფონდი ოფისის ადმინისტრაციულ შტაბს.
ისტორია[რედაქტირება | წყაროს რედაქტირება]
2009 წლის 29 დეკემბერს - SOFAZ–ის ათი წლისთავის დღეს - მინისტრთა კაბინეტის №367-ე ბრძანებით, ადმინისტრაციული შენობის მშენებლობისთვის მიწა გადაეცა ნავთობპროდუქტების ფონდის საკუთრებას [1]. იმავე დღეს, პრეზიდენტმა ილჰამ ალიევმა მიიღო მონაწილეობა შენობის საძირკველის ჩაყრის საზეიმო ცერემონიალში [2].
2011 წლის 20 დეკემბერს გაფორმდა მშენებლობის ხელშეკრულება დეველოპერთან. ამ დროიდან დაიწყო SOFAZ კოშკის მშენებლობის აქტიური ეტაპი.
დაგეგმილი იყო პროექტის დასრულება 2013 წლის ბოლოსთვის [3].
დღეისათვის აღნიშნული შენობის მშენებლობა დასრულებულია.
მდებარეობა[რედაქტირება | წყაროს რედაქტირება]
შენობა მდებარეობს ბაქოში ჰეიდარ ალიევის გამზირზე, ზღვის სანაპირო ზოლიდან დაახლოებით 4 კილომეტრში, მეტროსადგურიდან ულდუზიდან სამხრეთ-აღმოსავლეთით 800 მეტრში. სამეზობლოში, აღმოსავლეთით გამზირის გასწვრივ, კიდევ ერთი დიდი ობიექტი შენდება - აზერბაიჯანის ცენტრალური ბანკის 32 სართულიანი ცათამბჯენი. მოპირდაპირე მხარეს - აღმოსავლეთ გარეუბანში - მიმდინარეობს აზინკოს კომპანიის 28 სართულიანი საოფისე შენობის მშენებლობა [4]. დასავლეთით 400 მეტრში შენდება კიდევ ერთი ობიექტი - ბაქოს კოშკი.
დახასიათება[რედაქტირება | წყაროს რედაქტირება]
შენობა შედგება 24 მიწისქვეშა და 2 მიწისქვეშა სართულისგან, სიმაღლეა 117 მეტრი, სახურავზე შუქურის გათვალისწინებით - 140 მეტრი, შენობის ფართობია 13,000 მ² (პარკირების ჩათვლით 27,000 მ²).
კოშკის პირველი სამი დონე წრიულია და ტრიბუნას ემსახურება, რომელშიც შედის ლობი, ბიბლიოთეკა, საკონფერენციო დარბაზი, რესტორანი და მუზეუმი [5]. პარკინგი გათვალისწინებულია ორ მიწისქვეშა სართულზე და გათვლილია 150 მანქანაზე. აზერბაიჯანის რესპუბლიკის სახელმწიფო ნავთობის ფონდის კოშკს ემსახურება 7 ლიფტი [6].
პროექტის თანახმად, შენობაში შეიქმნება მწვანე ზოლები „მწვანე შენობის“ კატეგორიის მოთხოვნების შესაბამისად. გეგმის თანახმად, კოშკი ენერგიის ალტერნატიული წყაროებიდან იქნება მომარაგებული - მზის პანელების საშუალებით. ინტელექტუალური ტექნოლოგიები გამოყენებული იქნება შენობის ინტეგრირებული მენეჯმენტისთვის.
კოშკის ოფისები სრულად აკმაყოფილებს A კლასის სტანდარტებს.
პროექტის მთლიანი ღირებულება 85 მილიონი ევროა.
მშენებლობის დროს მხედველობაში იქნა მიღებული შემდეგი პუნქტები: ზღვის გარემო (საჭიროა სათანადო მასალები და ფასადის მოვლა), მაგისტრალის სიახლოვე (ხმის იზოლაციის საჭიროება), ძლიერი ქარი, ქარიშხალი და მაღალი ინსოლაცია, რაც ბაქოს კლიმატური პირობებისთვისაა დამახასიათებელი. „თერმული ხიდების“ ეფექტის თავიდან ასაცილებლად გამოყენებულ იქნა ორმაგი კედლის კონსტრუქცია (ორფაზალური სისტემა): გარე ფენა შედგება ფარდის კედლისგან, რომელიც მიმაგრებულია ფოლადის ჩარჩოზე; შიდა - სტანდარტული სადურგლო მასალებისგან. ფარდის კედლები რეგულირდება ხელით. შენობის ფასადის დასუფთავებისთვის გათვალისწინებულია ავტომატური სისტემა.
რესურსები ინტერნეტში[რედაქტირება | წყაროს რედაქტირება]
- besix. besix.com. ციტირების თარიღი: 2013-09-09.
სქოლიო[რედაქტირება | წყაროს რედაქტირება]
- ↑ abc.az დაარქივებული 2016-03-04 საიტზე Wayback Machine.
- ↑ 1news.az
- ↑ azernews.az
- ↑ форум skyscrapercity.com
- ↑ besix.com. დაარქივებულია ორიგინალიდან — 2016-08-16. ციტირების თარიღი: 2016-08-16.
- ↑ abc.az დაარქივებული 2016-08-18 საიტზე Wayback Machine.