Old fashioned (კოქტეილი)

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა

Old fashioned (ინგ: ძველმოდური) კოქტეილია, რომელიც შაქრის, ბითერებისა (სხვადასხვა მცენარეებით დამზადებული ალკოჰოლურ სასმელთა ჯგუფი) და წყლის არევითა და შემდეგ ვისკის ან იშვიათად ბრენდის დამატებით მიიღება. სასმელი გაფორმებულია ფორთოხლის ნაჭრით ან ქერქით და კოქტეილის ალუბლით. ის როგორც წესი მორთმეულია კოქტეილის მოსახელე "ძველმოდური" ჭიქით.

სასმელი განვითარდა მე-19 საუკუნეში და სახელი მიიღო 1880-იან წლებში. ის არის IBA-ს (ბარმენთა საერთაშორისო ასოციაცია) ოფიციალური კოქტეილი.[1] დევიდ ემბარის წიგნში "სასმელთა შერევის ნატიფი ხელოვნება" Old fashioned შესულია ექვს ძირითად სასმელში.

ისტორია[რედაქტირება | წყაროს რედაქტირება]

Old fashioned იყო კოქტეილების ერთ-ერთი ყველაზე მარტივი და ადრეული ვერსია, მანამდე სანამ მე-19 საუკუნის მეორე ნახევარში ბარმენული ტექნიკა და რეცეპტები განვითარდებოდა.[2] პირველი დოკუმენტირებული განსაზღვრება სიტვყვისა "კოქტეილი" მოხდა 1806 წლის 13 მაისს, როცა გამოცემაThe Balance and Columbian Repository-ის ჟურნალისტმა მკითხველის შეკითხვას თუ როგორ განმარტავდა ამ სიტყვას შემდეგნაირად უპასუხა: ის არის ძლიერი შენარევი სპირტიანი სასმელის, ბითერის, წყლისა და შაქრის, რაც არსებითად სწორედ Old fashioned-ის რეცეპტია.[3] ასევე აღწერს კოქტეილს შოტლანდიელი მოგზაური, მწერალი და ბრიტანული არმიის ჯარისკაცი ჯეიმს ედვარდ ალექსანდერი 1833 წელს - "რომი, ჯინი ან ბრენდი, წყლით, ბითერებითა და შაქრით", თუმცა მის აღწერაში სასმელის მუსკატის კაკლით გაფორმებაც შედის.[4]

1860-იანი წლებისთვის კოქტეილში ხშირად ფორთოხლის კურასაოს (ჰოლანდიური ლიქიორი), აბსენთს და სხვა ლიქორებს ამატებდნენ. მას შემდეგ რაც კოქტეილები უფრო რთული და კომპლექსური გახდა, კლიენტები ბარმენებს სთხოვდნენ ისეთ ნარევს, რომელიც რომელიმე ადრეული (1850-იან წლებამდე) სასმელის მსგავსი იქნებოდა. თავდაპირველი ნარევი, თუმცა სხვა პროპორციებით, ისევ დაუბრუნდა მოდას და ეწოდა - Old fashioned ანუ ძველმოდური.[2]

1881 წელს ლუივილში დაარსებული ჯენტლმენთა კლუბი პენდენისი ამტკიცებს, რომ კოქტეილი სწორედ აქ გამოიგონეს. კოქტეილების კრიტიკოსი დეივიდ ვონდერიჩი ამ მოსაზრებას ნაკლებ სარწმუნოდ მიიჩნევს, ვინაიდან Old fashioned-ის პირველი ხსენება ბეჭდვით მედიაში 1880 წელს Chicago Daily Tribune-ში მოხდა, როცა კლუბი პენდენისი საერთოდ არ იყო გახსნილი. ეს კიდევ ერთხელ ადასტურებს, რომ Old fashioned იყო მანამდე დიდი ხნით ადრე არსებული სასმელის ახლებური შეფუთვა.[5]

Old Fashioned ვისკით

მომზადება[რედაქტირება | წყაროს რედაქტირება]

ინგრედიენტები[რედაქტირება | წყაროს რედაქტირება]

• ნახევარი ჩაის კოვზი შაქარი

• 3/8 ჩაის კოვზი ანგოსტურას ბითერი

• 1 ჩაის კოვზი წყალი

• 2 უნცია ბურბონი

• გაფორმება: ფორთოხლის ქერქი

ნაბიჯები[რედაქტირება | წყაროს რედაქტირება]

  1. ჩაასხით ბითერი, წყალი და შაქარი "ძველმოდურ" ჭიქაში და ურიეთ შაქრის თითქმის ბოლომდე გახსნამდე
  2. გაავსეთ ჭიქა მოზრდილი ყინულის კუბიკებით, დაამატეთ ვისკი და ფრთხილად მოურიეთ
  3. მოსრისეთ ფორთოხლის ქერქი და გამოყოფილი ზეთი მოუსვით ჭიქის პირს. შემდეგ აღნიშნული ქერქი ჩააგდეთ ჭიქაში[6]

კულტურული გავლენა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. IBA Official Cocktails. Old Fashioned დაარქივებული 2020-11-11 საიტზე Wayback Machine. International Bartenders Association
  2. 2.0 2.1 Wondrich, David. (2007). Imbibe! : from absinthe cocktail to whiskey smash, a salute in stories and drinks to "Professor" Jerry Thomas, pioneer of the American bar (1st ed.). New York, N.Y.: Perigee Book/Penguin Group. pp. 196–199. ISBN 978-0-399-53287-0. OCLC 154308971.
  3. A Beginners Guide to Bourbon Bourbon Culture. Archived from the original on March 27, 2019. Retrieved March 7, 2019.
  4. Alexander, J.E. (1833). Transatlantic Sketches, comprising visits to the most interesting scenes in North and South America, and the West Indies, Volume II.
  5. In The Beginning 2010-07-20.
  6. Old fashioned Recipe Liquor.com