Educare Georgia
| Educare Georgia | |
|---|---|
 | |
| სტატუსი | საგანმანათლებლო ფონდი |
| მიზანი | საქართველოს მოსახლეობისთვის საგანმანათლებლო რესურსების ხელმისწვდომობა |
Educare Georgia — საგანმანათლებლო ფონდი საქართველოში.
ფონდის მიზანია, ინტერნეტისა და თანამედროვე ტექნოლოგიების მეშვეობით საქართველოში მცხოვრები ნებისმიერი ადამიანისათვის ხელმისაწვდომი გახადოს მსოფლიო დონის განათლება.
ფონდი მუშაობს ისეთ პროექტებზე, როგორიცაა საქართველოში ონლაინ საგანმანათლებლო რესურსების პოპულარიზაცია; თანამედროვე ტექნოლოგიების დანერგვა სკოლებში; ენის ბარიერის პრობლემის გადაწყვეტა; ინტერნეტისა და კომპიუტერის ხელმისაწვდომობის გაზრდა. Educare Georgia აქართულებს თავისი პარტნიორი საგანმანათლებლო პლატფორმების — „ხანის აკადემიისა“ და Code.org-ის — მასალას და ნერგავს მას სკოლებში. ფონდმა დააარსა, ასევე, პროექტი „ჩართე“ — Charte.ge — ონლაინ პლატფორმა, სადაც ნებისმიერ ადამიანს შეუძლია, დაუფინანსოს ინტერნეტი და ლეპტოპი სოციალურად დაუცველ უფროსკლასელებს.
საგანმანათლებლო პროექტები[რედაქტირება | წყაროს რედაქტირება]
Educare Georgia-მ გააქართულა პარტნიორი ორგანიზაციების პლატფორმები — Khan Academy („ხანის აკადემია“) და Code.org. გახმოვანდა ათასობით ვიდეო და ითარგმნა მილიონობით სიტყვა ისეთ საგნებში, როგორებიცაა მათემატიკა, კომპიუტერული პროგრამირება, ბიოლოგია, ფიზიკა, ქიმია და ა.შ. Microsoft-სა და საქართველოს განათლების სამინისტროსთან თანამშრომლობით Educare Georgia-მ 2017 წელს საქართველოში პირველად ჩაატარა პროგრამირების კლუბები.
პროექტი „ჩართე“[რედაქტირება | წყაროს რედაქტირება]
პროექტი „ჩართე” (და მისი საერთაშორისო ანალოგი GiveInternet.org) ნებისმიერ ადამიანს საშუალებას აძლევს, დაუფინანსოს ინტერნეტის ყოველთვიური გადასახადი ან კომპიუტერი სოციალურად დაუცველ უფროსკლასელებს.