ვარსკვლავა[3] (ლათ.Astrantia maxima) — მრავალწლოვანიბალახოვანი მცენარექოლგოსანთაოჯახისა. აქვს სწორი ღერო, სიმაღლეში 40–70 სმ-ია. შიშველი და წვრილღარებიანი. ზედა ნაწილში მცირედაა დატოტვილი. ფესვთანურ და ღეროსეულ ქვედა ფოთლებს გრძელი ყუნწები აქვთ. ფოთლის ფირფიტა თითქმის ძირამდე სამადაა განკვეთილი. შუა სეგმენტი ვიწროა, ელიფსური, გვერდითები — ფართოკვერცხისებური. კიდეები ჯაგრიანი და ორმაგკბილიანია. ყვავილედი ქოლგაა, საბურველის ფოთოლაკი დიდია — 8–12, ელიფსური, წაწვეტებული, ქოლგებს თითქმის ორჯერ აღემატება. ზედა მხარე მწვანეა, ქვედა — ვარდისფერი ან წითელი. ყვავის და მსხმოიარობს ივლის-სექტემბერში. გავრცელებულია კავკასიასა და მცირე აზიაში. ფართოდ გვხვდება თითქმის მთელ საქართველოში. მაღალმთის მცენარეა, იზრდება ველობებსა და ტყისპირა ადგილებში.[4]
