ჰორმონოთერაპია

ჰორმონოთერაპია — ჰორმონული პრეპარატების სამკურნალო მიზნით გამოყენება. განარჩევენ ჩანაცვლებით (შინაგანი სეკრეციის რომელიმე ჯირკვლის ფუნქციის გამოვარდნისას), მასტიმულირებელ (ენდოკრინული ჯირკვლის ფუნქციის შესუსტებისას), შემაკავებელ ან მაბლოკირებელ (ჯირკვლის მიერ ჰორმონის ჭარბად გამომუშავებისას) ჰორმონოთერაპიას. იყენებენ ასევე მრავალი ისეთი დაავადების დროს, რომელიც არ არის დაკავშირებული ენდოკრინულ დარღვევებთან.

ლიტერატურა

• ქართული საბჭოთა ენციკლოპედია, ტ. 11, გვ. 689, თბ., 1987 წელი.