ჰასან-ბეგ რუმლუ

ჰასან-ბეგ რუმლუ (დ. 1531/1532 — გ. 70-იანი წლების მიწურული) — ირანელი ისტორიკოსი. წარმოშობით ყიზილბაშურ რუმლუს ტომს ეკუთვნოდა. დაახლოებით იყო შაჰის კართან და ბავშვობიდანვე თან ახლდა თამაზ I-ს ლაშქრობებში. ავტორია 12-ტომიანი მსოფლიო ისტორიული ტიპის თხზულებისა "უმშვენიერესი ისტორიათაგანი" ("აჰსან ალ-თავარიხ"). შემორჩენილია თხზულების მხოლოდ 2 უკანასკნელი ტომი. მე-12 ტომში მოთხრობილია პირველ სეფიან ხელმწიფეთა ისტორია 1578 წლამდე. ამავე ტომში ვრცელი ცნობებია საქართველოს შესახებ, კერძოდ, დაწვრილებით არის აღწერილი შაჰ-თამაზის შემოსევები, რომელთა მხილველიც თვითონ იყო.

ლიტერატურა

• კიკნაძე რ., ქართული საბჭოთა ენციკლოპედია, ტ. 11, თბ., 1987. — გვ. 606.