ჯოზეფ დილეინი

მასალა ვიკიპედიიდან — თავისუფალი ენციკლოპედია
Jump to navigation Jump to search
ჯოზეფ დილეინი
Joseph Delaney 20080315 Salon du livre 1.jpg
დაბ. თარიღი 25 ივლისი 1945(1945-07-25)[1] [2] [3] (73 წელი)
დაბ. ადგილი პრესტონი
საქმიანობა მწერალი, საბავშვო მწერალი და სამეცნიერო ფანტასტი მწერალი
ენა ბრიტანული ინგლისური და ინგლისური ენა
მოქალაქეობა Flag of the United Kingdom.svg გაერთიანებული სამეფო
ჟანრი საბავშვო ლიტერატურა
Magnum opus The Wardstone Chronicles

ჯოზეფ ჰენრი დილეინი (ინგლ. Joseph Henry Delaney; დ. 25 ივლისი, 1945) — ბრიტანელი მწერალი ფენტეზისა და ფანტასტიკის ჟანრში. მწერლის კარიერა დაიწყო 1990-იანი წლებიდან.

ბიოგრაფია[რედაქტირება | წყაროს რედაქტირება]

ჯოზეფ დილეინი დაიბადა 1945 წლის 25 ივლისს ინგლისის ქალაქ პრესტონში, ლანკაშირის საგრაფოში. ის სწავლობდა ჩრდილოეთ ირლანდიაში, ნიუთაუნარდის პრესტიჟულ გიმნაზიაში Regent House Grammar School. შემდეგ სწავლა გააგრძელა ლანკასტერის უნივერსიტეტში. დილეინი მუშაობდა ინგლისური ენისა და ლიტერატურის მასწავლებლად ერთ-ერთ სკოლაში (Blackpool Sixth Form College). მისი დახმარებით აქ გაიხსნა მედიისა და კინემატოგრაფიის დეპარტამენტი. მისი პირველი ნაწარმოები დაწერილი იყო ფსევდონიმით J.K. Haderack. თუმცა არ ჰქონდა არანაირი წარმატება. შემდეგ დილეინიმ დაიწყო წიგნების წერა საკუთარი სახელის გამოყენებით. რამოდენიმე წლის შემდეგ მისი წიგნების სერიამ „The Wardstone Chronicles“ — მას დიდი წარმატება მოუტანა. „ჯადოქრის მოწაფე“ მოცემული სერიის პირველი წიგნი იყო.

ჯოზეფ დილეინი წერს ძირითადად ფენტეზისა და ფანტასტიკის ჟანრში. როგორც თვითონ ყვება, მან და მისმა უმცროსმა ძმამ ბავშვობაში ერთი და იგივე კოშმარი ნახეს — ცივმა და საშიშმა ქმნილებამ ისინი სიბნელეში წაიყვანა. ამით ხსნის იმას, თუ რატომ წერს ამ ჟანრში.

დილეინიმ საბოლოოდ დაანება თავი მასწავლებლის პროფესიას და მთელი თავისი დრო დაუთმო წერას. მას ჰყავს სამი შვილი და შვიდი შვილიშვილი.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. SNAC
  2. Internet Speculative Fiction Database — 1995.
  3. NooSFere author ID