შარპეი

მასალა ვიკიპედიიდან — თავისუფალი ენციკლოპედია
შარპეი
სხვა სახელები ჩინური შარპეი
წარმოშობის ქვეყანა ჩინეთის დროშა ჩინეთი
პატრონაჟი კ.ს.ფ.[1]
თვისებები
წონა 18 - 29 კგ
მამრი 25 - 29 კგ
მდედრი 18 - 25 კგ
სიმაღლე 46 - 56 სმ
ფერი წითელი, წითელი შვლისფერი, ხუთქულიანი წითელი, შავი, ვერცხლისფერი შავი სიასამური, ბრინჯაოსფერი შავი სიასამური, სიასამურისფერი, კრემისფერი, ლურჯი, გაზავებული კრემისფერი, გაზავებული გარგრისფერი, შოკოლადისფერი, გაზავებული შოკოლადისფერი, იასამნისფერი, ვერცხლისფერი ხაზები გაზავებული ფერზე
შობადობა 4-6 ლეკვი
ძაღლი (Canis lupus familiaris)

შარპეიმსოფლიოში ერთ-ერთი უძველესი ძაღლის ჯიში. მისი სახელი მისი ჯაგრისებური ბეწვისგან წარმოსდგება, შარპეი ჩინურად ზვიგენის კანს და ზუმფარას ქაღალდს ნიშნავს. სიმაღლე 44-51 სმ, წონა 18-35 კგ.

შარპეის აღმოსავლელი წინაპრები, როგორც ჩანს, ძვ. წ. 206 და ახალი წელთაღრიცხვის 220 წლებს შორის არსებული პერიოდიდან მოდიან. ასეთი ძაღლები ჩინეთის ჰანის დინასტიის ხელოვნების ნიმუშებზეა გამოსახული. ზოგი ვარაუდობს, რომ ამ ჯიშის წინაპარი უფრო მოზრდილი, ახლა უკვე გადაშენებული, ძაღლია, რომელიც ტიბეტსა და ჩინეთის ჩრდილოეთ პროვინციებში დაახლოებით 2000 წლის წინ ბინადრობდა. ზოგის აზრით კი ის ჩინეთის სამხრეთ პროვინციის ძაღლებს ენათესავება. 1947 წელს ძაღლზე გადასახადი ჩინეთში ისე გაიზარდა, რომ ბევრ მეპატრონეს გაუჭირდა შარპეის შენახვა და ამ ძაღლის რიცხვმა საგრძნობლად იკლო. 1970-იან წლებში გაჭირვებაში ჩავარდნილ შარპეის ამერიკელი სელექციონერები დაეხმარნენ. 1981 წლიდან შარპეი დიდ ბრიტანეთშიც გავრცელდა. შარპეის ქუთუთოების ჩაკეცვისკენ აქვს მიდრეკილება. ეს თვალების დაავადებაა, რომელიც შესაძლოა დროული მკურნალობის გარეშე სიბრმავით დამთავრდეს.

გალერეა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Fédération Cynologique Internationale Standard No. 309 of April 14, 1999, translated August 9, 1999, retrieved 2009-04-12 (ინგლისური)