შავი სექტემბრის მოძრაობა

მასალა ვიკიპედიიდან — თავისუფალი ენციკლოპედია
Jump to navigation Jump to search

შავი სექტემბერი (არაბ. منظمة أيلول الأسود‎‎, Munaẓẓamat Aylūl al-aswad, „ორგანიზაცია შავი სექტემბერი“) — 1970 წელს დაარსებული პალესტინური ტერორისტული ორგანიზაცია. ის არის პასუხისმგებელი 1972 წლის მიუნხენის ზაფხულის ოლიმპიურ თამაშებზე 11 ებრაელი სპორტსმენის და ოფიციალური პირის გატაცებასა და მკვლელობაში, ასევე დასავლეთ გერმანის პოლიციის თანამშრომლის ჩაცხრილვაში. ამ ტერორისტული აქტის შემდეგ ევროპის უმთავრეს ქვეყნებში აქტუალური გახდა ისეთი მუდმივი, პროფესიული, სამხედრო ანტიტერორისტული სპეცდანაყოფების ჩამოყალიბების საკითხი, როგორებიც არიან გერმანული GSG9 და ფრანგული GIGN. ასევე გადაწყდა უკვე არსებული სპეციალური ძალების რეორგანიზაცია და დახვეწა, მათ შორის დიდი ბრიტანეთის სპეციალური საჰაერო სამსახურის (SAS).

წარმომავლობა[რედაქტირება | წყაროს რედაქტირება]

ტერორისტული დაჯგუფების სახელწოდება წარმოიშვა 1970 წლის 16 სექტემბერს დაწყებული შავი სექტემბრის კონფლიქტიდან, როცა ფადეინების პუტჩის საპასუხოდ იორდანიის მეფე ჰუსეინმა სამეფოში სამხედრო მდგომარეობა გამოაცხადა. ამ კონფლიქტის შედეგად დაიღუპა ან ლტოლვილად იქცა იორდანიაში მცხოვრები ათასობით პალესტინელი.

თავიდან, ორგანიზაცია შავი სექტემბერი ჩამოყალიბდა როგორც ორგანიზაცია ფათხში შემავალი მამაკაცების მცირე ჯგუფი, რომლის მიზანი იყო მეფე ჰუსეინზე და იორდანულ არმიაზე შურისძიება. ამ ჯგუფს მალევე შეუერთდნენ ახალწვეულები პალესტინის გათავისუფლების სახალხო ფრონტიდან, ას-საიკადან და სხვა ჯგუფებიდან.

ლიტერატურა[რედაქტირება | წყაროს რედაქტირება]

  • Cooley, J.K.: "Green March, Black September" : The Story of the Palestinian Arabs. Frank Cass and Company Ltd., 1973, ISBN 0-7146-2987-1
  • Bar Zohar, M., Haber E. The Quest for the Red Prince: Israel's Relentless Manhunt for One of the World's Deadliest and Most Wanted Arab Terrorists. The Lyons Press, 2002, ISBN 1-58574-739-4
  • Benny Morris|Morris, B.: Righteous Victims: A History of the Zionist-Arab Conflict, 1881-2001. Vintage Books, 2001.
  • Jonas, G. Vengeance. Bantam Books, 1985.
  • Khalaf, S. (Abu Iyad) Stateless.
  • Oudeh, M.D. (Abu Daoud) Memoirs of a Palestinian Terrorist.

რესურსები ინტერნეტში[რედაქტირება | წყაროს რედაქტირება]